【可以半夜睇嘅「鬼片」】英劇《鬼屋歡樂頌》 一班可愛嘩鬼為咗嚇人出盡辦法！

又嚟三日長假，緊係要煲下劇！今日小編就介紹一套輕鬆英劇《鬼屋歡樂頌》（Ghosts）俾大家啦～

呢套BBC嘅電視劇《鬼屋歡樂頌》講述一間古老大屋入面住咗多位嚟自唔同年代、死因各異嘅嘩鬼。佢地好不容易等到大屋嘅最後一位住客離世，點知大屋由一對年輕夫婦繼承咗，夫婦兩人仲諗住將大屋改建成酒店。

Photo from IMDb

Photo from IMDb

寧靜生活要被破壞了，一班嘩鬼當然唔願意，於是佢地就討論可以點樣警告女主角、趕走佢地。

Photo from IMDb

但呢班嘩鬼功力有限，出盡腦汁都只能將茶杯移動少少、電燈閃兩下，女主角當然察覺唔到呢啲係嚟自鬼魂嘅警告。

Photo from Ghosts

但點知一個意外，女主受咗傷，仲因為咁而開咗「天眼」，佢目睹一屋嘩鬼，爭啲以為自己患上精神病。

Photo from Ghosts

呢間大屋每隻鬼其實都好可愛、善良，佢地都唔願意去傷害人，但因為大家背景都好唔同，每次開會都得唔到共識。

Photo from Ghosts

雖然以「鬼」做題材，但一啲都唔恐怖，仲好輕鬆搞笑，係一套可以自己一個半夜睇嘅「鬼片」。

Photo from Ghosts

《鬼屋歡樂頌》第一季已完結，一共有6集，每集都係短短地30分鐘～

預告片：

? 【真人真事改編】又有劇可以煲！驚悚美劇《伊波拉浩劫》 6集迷你劇揭開世紀病毒爆發真相

? 【媲美權力遊戲】HBO又一神劇《切爾諾貝爾》 IMDb史上最高分 還原當年真相

? 【Netflix輕鬆電影】上架3日 打破Netflix觀看紀錄 《猜猜猜誰是兇手》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）