日本電影《耶穌真係落咗嚟》7月18日香港上映！網民：靚抽！

喺上兩個禮拜嘅示威衝突入面，曾經有報導引述牧師嘅說話指有警察執行任務時同佢哋講：「叫你耶穌落嚟見我！」呢句說話引起網民好大迴響！不過唔知係咪耶穌真係有用心聆聽佢哋嘅訴求，今次「耶穌真係落咗嚟」！

Photo from 《耶穌真係落咗嚟》

Photo from 《耶穌真係落咗嚟》

其實《耶穌真係落咗嚟》係一套日本電影，而且7月18日仲會喺香港上映添～本身呢套戲嘅譯名叫《小小小耶穌》，但之後就改成《耶穌真係落咗嚟》，電影海報嘅宣傳口號仲係「7月18日 Sing Hallelujah」似乎負責改名嗰位人兄，花咗唔少心思落去啊吓～

Photo from movie_1561632253

《耶穌真係落咗嚟》係講關於一個男仔搬到東京鄉郊生活，冇宗教信仰但被人送到基督教學校讀書。係適應緊新環境嘅途中，「耶穌仔」突然出現係佢眼前。呢個小耶穌會打相撲又會變魔法，對嗰個小男孩可以話係有求必應！但呢個時間，小男孩嘅朋友卻遭遇意外，令他對神嘅信任開始動搖……

Photo from 《耶穌真係落咗嚟》

Photo from 《耶穌真係落咗嚟》

Photo from 《耶穌真係落咗嚟》

Photo from 《耶穌真係落咗嚟》

Photo from 《耶穌真係落咗嚟》

有唔少網民知道之後表示，「雖然電影內容同警民衝突完全無關，但會因為呢套劇名而去睇！」、大讚「靚抽」！

?【Netflix輕鬆電影】上架3日 打破Netflix觀看紀錄 《猜猜猜誰是兇手》
?經典童話《小王子》將開拍真人版電影 由5套迷你電影組成
?超懸疑電影《作家的謊言：筆忠誘罪》！近年難得一見港產懸疑片小品～結局超反轉！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）