內用唔再提供塑膠飲管/公車上落車拍卡...遊台注意 7月起6大必睇新規定

台灣係唔少港人出遊嘅熱點，一年去嘅次數，十足十好似返屋企咁。不過各位鍾愛台灣嘅大家要注意喇！

Photo from shutterstock

事關台灣就喺尋日（1/7)起實施咗幾項新規定，像包括內用唔提供塑膠飲管、台北市/新北市公車上下車都要拍卡及交通部嘅新法則等。

Photo from shutterstock

1. 4大公眾場所禁止提供一次性塑膠飲管

自7月1日起，台灣環保署就率先從「冇必要使用吸管」嘅內用環境著手，規定政府部門、學校、百貨公司業/購物中心、連鎖快餐店等嘅地方，皆唔再提供一次性塑膠飲管。

Photo from PressLogic

2. 台北市/新北市公車上/落車均需拍悠遊卡

台北及新北市將統一改為「上下車拍悠遊卡」，民眾可以唔使再煩惱到底係上車拍卡定係落車拍卡，或者擔心多付車資問題。

Photo from shutterstock

而新規定會分為2個階段實施，第一階段落車拍卡起計1小時內可享有捷運、公車及YouBike轉乘優惠。第二階段則由出年2月1日起，未完成上落車均拍卡者，雖唔會鎖卡，但就冇辦法享有轉乘優惠。

Photo from shutterstock

3. 八大銀行唔再延長營業

台灣銀行、土地銀行、兆豐銀行等銀行公告，將原本暫定延長營業時間，恢復營業時表示只到15:30。

Photo from shutterstock

不過喺桃園、高雄、台北、台中嘅4大國際機場內及位於各機場嘅分行，就會因業務所需而維持延長營業時間。

Photo from shutterstock

另外，以下兩項就比較同鍾意自駕遊嘅大家有關喇！

Photo from shutterstock

5. 駕駛人未禮讓攜帶手杖/導盲犬等視障者，最高罰7,200元台幣

台灣交通部新修訂嘅「道路交通管理處罰條例」增訂對視覺障礙者嘅權益保障，規定汽車駕駛者，喺駛近行人穿越道或轉彎時，如遇到有攜帶白手杖或導盲犬嘅視覺障礙人士，冇優先禮讓對方先行通過者，將處以2,400新台幣至7,200新台幣罰款。

Photo from PressLogic

6. 新酒駕規定：同車乘客將被同罰酒駕

如駕駛人酒精含量超標，同車口嘅18歲以上乘客可被罰600至3,000新台幣不等；但年滿70歲、心智障礙或汽車運輸業嘅乘客除外。

Photo from shutterstock

另外，酒駕罰款中，汽車提高為3萬至12萬新台幣，電單車為1.5萬至9萬新台幣不等，而酒駕、拒測、再犯者，罰款亦唔單止會累加，而且仲係無次數上限。如5年內第2次酒駕超標，罰款則會係最高定額金額，第3次以上違規，則再最高定額金額外，多加罰9萬元；而拒測嘅罰款提高至18萬新台幣，且新增每次加罰18萬新台幣。

Photo from shutterstock

至於騎乘單車、電動車、電動輔助車等三輪慢車，若酒駕將則可罰款600至1,200新台幣不等，而拒絕接受酒測則可罰2,400新台幣。

如果大家唔想無意間誤觸新規定，出發去台灣之前記得留意吓喇！

?台中四大打卡秘境 彩虹步道/歐式莊園！童趣農場與小動物親密接觸

?台北浣熊咖啡店 洗衣店＋咖啡甜點！店內仲有可愛牧羊犬

?超浪漫半山餐廳「極光森林」 新推夢幻「星空帳篷」座位！俯瞰台灣城市夜景

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）