食住焗豬扒飯打機～全港第一間大快活電競 登陸九龍灣！

平時一個食飯咁無聊，好多人都會一邊食飯一邊打機，全港第一間分店大快活電競終於開幕喇，畀你邊食邊玩。

大快活電競開喺九龍灣國際展貿中心，佔地有成到一個萬三呎超級大，可以分為6個區域，分別係主舞台、用餐區、競吧、電競區、直播區同埋多用途房間。

Photo from Presslogic

食物選擇方面同一般嘅大快活一啲分別都無，有阿活咖哩同焗豬扒飯等等，而價錢都唔會比較貴！除咗有自助點餐區之外，電競座位區仲有網上點餐服務，只要用大快活個 apps 點餐，就會有店員親自送上食物，啱晒沈迷打機分秒必爭嘅人～

Photo from Presslogic

電競區、直播區
電競方面嘅設施都相當齊全，有25部高階電競對戰電腦，直播區仲有專業自助直播設備，可以打機直播，正！

Photo from Presslogic

主舞台、用餐區
如果你只係鐘意玩手遊的話，呢度嘅座位都可以滿足到你，枱上有感應可以叉電，一放上去就叉到，可以邊玩手遊，邊叉電喇～

Photo from Presslogic

Photo from Presslogic

Photo from Presslogic

競吧
打得機耐，最好可以放鬆下飲番杯酒啦，競吧有六款黑鳶本地手工啤酒，打到攰想休息下就最啱喇，真係勁爽！而啤酒由下就 5 點供應到夜晚 12 點，唔想打機去飲返杯都係個不錯嘅選擇～

Photo from Presslogic

Photo from Presslogic

多用途房間
如果平時想搞活動又或者慶祝生日、搞Party的話，可以借用多用途房間搞活動！

Photo from Presslogic

大快活電競
地址：九龍灣國際展貿中心地庫一樓
時間：7:30-21:00

?名偵探柯南生活城鎮將軍澳登場！多個經典場面打卡位 柯南粉絲絕版收藏展

?山下菓子 X Monchhichi! 多款Monchhichi限定甜點+精品、仲有2款Monchhichi流心月餅～

?元朗休閒之選～隱世木系文青Cafe！必食焗蛋盅全日早餐+薄荷朱古力咖啡！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）