單身狗比已婚人仕壓力更大、更易感痛苦！請多關注你的單身狗朋友！

大家有冇時常關心吓你身邊嘅單身狗朋友？佢地真係好辛苦，大時大節又唔敢出街睇情侶放閃、又要成日喺IG見到朋友哂恩愛。有研究發現原來單身狗比已婚人仕嘅壓力大好多！

Photo from Shutterstock

好多人都相信已婚夫妻要維持佢地恩愛嘅關係，所以壓力好大，但其實單身人仕嘅壓力比已婚人仕更大！根據Psychoneuroendocrinology嘅《Marital status as a predictor of diurnal salivary cortisol levels and slopes in a community sample of healthy adults》一文，已婚人仕其實係比單身、離婚、喪偶嘅人更健康！

Photo from Shutterstock

研究搵咗572個21至57歲受訪者嘅唾液測試佢地分泌嘅皮質醇含量，發現已婚人仕分泌嘅皮質醇係最少嘅，表示佢地嘅壓力係最少，生活得健康啲同開心啲。

Photo from Shutterstock

一般人朝早會分泌一定水平嘅皮質醇，然後逐漸遞減，而已婚人仕嘅皮質醇遞減速度比較快，研究話咁樣可以令患上心臟病嘅機率細啲同埋患癌存活率會高啲。

Photo from Shutterstock

簡單啲講，即係已婚人仕會比單身狗活得更開心、更健康。

Photo from Shutterstock

咁又係～單身狗次次親戚聚會、朋友飯局就會俾人係咁問同一個問題——「幾時拍拖？」，壓力真係好大㗎！記得多多關心你身邊嘅單身狗朋友呀！

? 研究：夜訓會矮、變肥、變蠢！通宵完之後補眠都無用咖 大家都係早啲訓啦

? 研究：女友易怒，男友會長命啲！有幾嬲你就係有幾愛你～請珍惜！

? 外國研究邊個國家跌銀包尋獲機會最大？實驗包括40個國家共355個城市 中國包尾！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）