教你應付麻煩同事！九型人格怪人辦公心理學！小人小人速速走！

你知啦！身邊有幾種同事係特別煩，有時想圓滑啲又怕太虛偽，但太真實又顯得自己好幼稚啵，原來所有煩惱九型人格都分析到！分清楚同事係邊種煩人，工作自然得心應手啦！

Photo from dijiuke

1. 管家型

佢天生多疑加上操控狂，人地同咩人做朋友又管，去邊食飯又管，同呢類人做同事，就連人地Team都想管埋，真係命都短幾年。呢類人嘅死穴係，你要煩過佢，問佢十萬個為什麼等佢知難而退。
Photo from SINA

2. 完全投入型

老闆想佢OT唔補水佢話好，老闆叫佢買奶茶佢買埋菠蘿油，總之最早返係佢，最遲走都係佢，通常呢種人都冇拖拍先會寄情工作，但你唔理佢佢都唔會對你點，所以不須擔心。
Photo from SINA

3. 八婆型

問所有人事關係佢都知，佢會八晒同事們嘅私生活然後唱通街，想近貼公司時事新聞可以同佢熟啲，但呢類人要保持隔離，要好好保障自己嘅私生活，否則就連清潔呀姐都知你啲秘密。
Photo from SINA

4. 我行我素型

佢存在，但又好似隱形咁，食飯食自己，返工放工永無一齊玩，佢看破紅塵，明白所有Social都只係浮雲，雖然呢種人冇咩特別，但最好都唔好笑佢或激佢，本身佢已經冇朋友你都仲要搞佢，就一定係你人有問題。
Photo from SINA

5. 認屎認屁型

講任何話題，一開口佢鍾意認叻，吹水吹到天花龍鳳，但做又無心無力，最慘係佢會眨低人去抬高自己，呢個時候你就要注意老闆有冇慧眼，呢種人永遠冇合作精神，但如果佢都升到職，轉工啦～

6. 懶鬼型

講求工作同生活的平衡，佢未必會做少，但就一定唔會做多，你可以話佢有小聰明，但如果情況嚴重到返工都可以瞓教，就冇得原諒！
Photo from SINA

7. 小丑型

天生幽默難自棄，有時同搞笑同事返工係幾開心，但當講認真事情佢都仲嬉皮笑臉，就令人反感了，要搞掂佢好簡單，佢講3次大家都唔笑，佢就唔會再講。

8. 緊張大師型

呢種同事其實責任感重，但有時太緊張對件事完全無幫助，仲搞到其他人都精神衰弱。應付佢要記住冷靜，亦同時鼓勵佢控制好情緒，就足夠啦。

Photo from iStock

9. 無敵老屎忽型

佢永遠是對的，上一代香港人做事講求規矩，永遠唔變通亦鍾意玩霸權，佢失去了解新事物的意慾，但年輕人不須擔心，因為世界變得好快，佢遲早被淘汰，記緊將來自己要大方一點唔好成為老屎忽就夠。

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載