唔怪得之啦！原來肥胖係會傳染～同胖胖FD子食飯，你都會變胖！

大家有冇覺得成日不知不覺肥咗，但又百思不得其解，搵唔到原因點解會變肥？呢個世紀謎題終於解開了，原來係因為你身邊親愛嘅飯腳呀！有研究指出原來同肥胖Friend子一齊食飯，你都會一齊變肥！

Photo from Shutterstock

根據外國媒體Brightside《Scientists Say Obesity Can Become a Contagious Disease》一文指出原來肥胖原來可以係一種傳染病。如果你Keep住同一個超重嘅人交流互動、一齊食飯，你都會越嚟越重。

Photo from Shutterstock

美國南加洲大學嘅研究指出如果小孩嘅父母同肥胖嘅人做同事，小孩變肥嘅可能性會比較高，因為佢地嘅飲食習慣會互相影響。

Photo from Shutterstock

而夏威夷大學亦對肥胖進行研究～佢地仲發明咗個新詞叫「模仿肥胖」去形容跟住肥胖嘅人一齊肥嘅情況。佢地觀察咗5,000個青少年，發現如果瘦小嘅人同肥胖嘅朋友一齊食飯，瘦小嘅人嘅體重會增加，因為佢可能會跟住肥朋友一齊，嗌同一樣野食，所以體重上升。

Photo from Shutterstock

哈佛醫學院對肥胖嘅研究都得出類似嘅結果，佢地對12,000位受訪者作長期觀察，發現如果你朋友發福，你跟住變肥嘅機會達50%。

Photo from IMDb

咁多份研究都得出一個結果：原來肥係會傳染㗎！！快啲拉埋你啲瘦底Friend子一齊食飯，儲肥佢地啦～一齊肥先開心㗎嘛！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）