調查：6－7月查詢移民人數激增3倍！馬來西亞同泰國成首選！

近嚟香港社會不穩，好多年輕人都萌生移民念頭，有移民顧問就表示喺6-7月查詢移民嘅人數激增3倍，而且，查詢移民嘅人其實好多都唔係精英人士，而係年輕人！佢地仲做咗個有關移民嘅調查，發現「元朗事件」後，有4成受訪者有計劃移民！

移民顧問指今年5月只有20宗移民查詢，但6月已經急升至60宗，7月更加係飆升三倍至80宗。

大多查詢移民嘅人士都希望移民不移居，亦即係增加多一個國籍，但唔洗放棄香港嘅生活同事業，籍此增加安全感。

顧問又指以前查詢移民嘅人士主要係40-50歲，但呢兩個月20－30歲嘅年輕人查詢移民嘅數量大幅增加至40%。

喺「元朗無差別襲擊事件」發生後，美聯移民顧問與美聯金融集團以電郵及網上問卷形式進行咗「2019年移民及投資意向調查」，訪問咗600人，調查結果顯示有41%受訪者有移民打算。

近一半（49%）受訪者計劃在3年至10年內移民，而且大多受訪者（46%）都希望移民至亞洲國家，因為文化背景相近，較易適應。

好多人都對香港前景失去信心，但始終呢度先係大家嘅家，相信香港人都唔想咁輕易放棄！加油呀～

圖片來源：Pinterest

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）