Netfilx警世紀錄片 《凜冬烈火：烏克蘭自由之戰》由和平抗議到暴力鎮壓全紀錄！

今次要介紹Netflix嘅一套紀錄片《凜冬烈火：烏克蘭自由之戰》（Winter on fire: Ukraine's fight for freedom），好適合而家睇，因為入面嘅內容同香港人面對緊嘅難關好相似，你會一路睇，一路同香港經歷緊嘅嘢聯繫起嚟～

Photo from IMDb

呢套紀錄片講述烏克蘭喺2013至2014年發生嘅一場革命運動，入面記述咗成個革命由和平示威演變成政府血腥鎮壓嘅過程。

Photo from Netflix

烏克蘭親俄總統Victor Yanukovych違背參選時嘅承諾，不理會民意，堅持唔同歐盟簽署協定、唔加入歐盟，因為佢暗地裏已經同俄羅斯總統普京有合作協議。

Photo from IMDb

人民因此走上街頭反抗，佢地要求加入歐盟。起初集會嘅氣氛好歡樂，大家都喺獨立廣場唱下、跳下舞，好似嘉年華咁，當中好多都係學生。

Photo from Netflix

但政府一意孤行，冇回應民眾嘅訴求。去到第九日，烏克蘭政府第一次清場，使用嘅方式好暴力，導致好多市民同學生受傷。

Photo from IMDb

後來政府甚至出動特種部隊對付示威者，射殺佢地，包括急救站入面嘅醫生、救援人員等。

Photo from IMDb

好多烏克蘭民眾喺呢件事發生之前都對政治冇興趣、甚至冇概念，但佢地見到呢啲不公義嘅事後，開始醒覺，參與示威活動。佢地仲有好多人係因為政府暴力鎮壓學生嘅和平示威，而行出嚟，佢地話過：「任何人都不可以傷害這個國家的孩子」。

Photo from IMDb

對香港未來感到困惑嘅可以睇下呢套記錄片。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）