渣哥一九九六強調唔接受捐款 有食客留底$100即跑走：俾你地整到眼濕濕勒

香港小姐譚小環同老公一齊經營嘅小食店「渣哥一九九六」早前就宣布會免費請正義年青人食腸粉。

公布有關行動後，渣哥表示收到大量留言，絕大部分都係讚好、支持同鼓勵，足以証明決定係正確，而小部分不滿人士，留言惡意中傷、誹謗，渣哥重申「任何人要講乜，甚至做乜，悉隨尊便！」

Photo from 渣哥 一九九六Facebook

渣哥一九九六更以兩句回應：「人為善，福雖未至，禍必遠離；人為惡，禍雖未至，福必遠離」，最後強調唔會接受捐款。

今日渣哥喺Facebook post出兩張圖，其中第一幅圖係一位懲教署職員留底港幣$100，並留言表示感謝佢哋對年青人嘅付出，更指自己「身在圍牆內心在雞蛋中」。

Photo from 渣哥 一九九六Facebook

Photo from 渣哥 一九九六Facebook

渣哥話有唔少人想盡辦法要留底錢，然後極速跑走，令店員追都追唔切。

對此，渣哥一九九六再重申唔會接受任何捐款、饋贈、小費等等，佢哋話答應大家，唔夠錢、有需要時，會通知大家，任大家俾錢。

Photo from 渣哥 一九九六Facebook

佢仲呼籲大家想捐錢可以留意其他渠道。不過有有心人嘅同時，亦有其他混水摸魚嘅人，有兩位大嬸堅持自己係「年青人」，一定要每人2盒拎走。

Photo from 渣哥 一九九六Facebook

渣哥表示已吩咐店員企硬：「假既就1條毛都唔會再俾！」

希望大家真係有需要先至去免費食啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）