「脫貧比脫單更重要」！網友盤點「當代人不敢談戀愛的原因」 簡單一句即戳中心底話同笑點！

隨着女性地位不斷提高，「拍拖、結婚、生仔」已經唔再係每個女性嘅首要人生路，而「自由戀愛」更令男女嘅選擇隨即而變得廣泛。

但同時「撞板」或者「想再試下其他」嘅機會都會增加，久而久之令一群持續單身，又或者受過情傷嘅人再「不敢談戀愛」。最近就有網友盤點「當代人不敢談戀愛的原因」，小編就喺當中為大家嚴選10句搞笑得嚟字字珠機嘅講法，唔知又有無點中大家嘅心底話呢？

#1 「你餓了會去吃屎嗎？」

呢句說話雖然有啲粗俗，不過絕對點中大部分「單身狗」嘅中心想法啊！其實道理同「寧缺勿濫」無異，好多單身男女唔代表「無人追」或者「太高竇」，只係默默等待一個真命天子，一個自己深愛又適合自己嘅人，唔想隨便亂揀一個自己根本唔愛嘅人，即係寧願單身，都唔想揀錯人，或者求其揀個條件差嘅人啊！

Photo from Shutterstock

#2 「脫貧比脫單更重要」

小編相信呢句話絕對係唔少「事業型女性」嘅心底話啊！「愛情」係一樣需要用心同時間經營嘅事物，所以有唔少以事業為重嘅男女都會寧願犧牲拍拖時間專心工作，因為喺佢哋心目中，除咗想比未來伴侶有更安穩嘅將來，更有唔少人認為「脫貧比脫單更重要」！

Photo from Shutterstock

不過小編就覺得歲月不留人，緣份一旦錯過就可能再沒然後，所以遇上真心喜歡嘅人，記得要好好把握，唔好比工作過分沖昏頭腦啊！

Photo from Shutterstock

#3 「被狼保護過的人，很難再喜歡上狗」

呢句說話總帶有心傷嘅感覺，但小編相信同時亦有唔少人經歷過呢個嘅時刻。當你試過轟轟烈烈地愛過一個人，又或者被一個人無私地愛過，往後再遇上心動嘅人，都再難以談得上謂「愛情」。可能往後會出現好多比較，覺得佢無咁錫你、覺得佢無咁好、覺得自己依然喜歡前度⋯⋯

Photo from Shutterstock

又或者被一個條件好嘅人寵愛過，自己嘅要求都會提高，往後只能愛上更好、條件更高嘅人，範圍隨之漸漸縮窄，遇上自己愛嘅人更難上加難。

Photo from presslogic

#4 「怕深情被辜負 也怕假意對不起別人」

好多人嘅情路都未必係一帆風順，深愛過卻得不到美好結局，又或者以為自己深愛，到後來卻發現自己從沒愛過。久而久之就成為愛情恐懼者—「怕深情被辜負，也怕假意對不起別人」。每一段相遇相識都會諗好多、諗好耐，怕萬一行差踏錯，害了自己，更害了別人。

#5 「我希望以後結婚的原因是因為我愛他，而不是我年紀到了」

女人步入「29+1」依然單身，會比人話「盛女」，男人步入中年依然單身，反而係「鑽石王老五」。喺呢個唔公平嘅思想下，令好多女性都想「求其搵個人嫁咗去算啦」。

Photo from presslogic

而另一邊廂唔敢談戀愛嘅人，就正正唔想因年紀大而亂拍拖，寧願用時間等待一個深愛嘅人，即使三十歲、四十歲甚至年華不再，只要能夠與命中註定的另一半相遇相愛，將會比其他人更幸福快樂。

Photo from presslogic

#6 「因為低質量的戀愛不如高質量的獨處」

其實單身嘅人可以簡單分身兩種：「放棄戀愛」以及「堅持等待一段命中註定」。呢個要用心用時間經營嘅「愛情遊戲」，老實講「唔啱不如唔好拍」，因為確實曬時間又曬心機，青春有限，倒不如花時間了解自己、增值自己，等待更好的來臨。

Photo from presslogic

#7 「好看的人很多 有趣的靈魂太少」

外表重要，內心更重要！好多人只顧外貌，卻忽略內涵，但其實無論男或女，終有老去一日，美麗不能永久保留，唯有內在美能永恆綻放光芒，所以好多人已不再膚淺地只看外表，希望可以搵個志同道合、心有靈犀嘅伴侶多於完美嘅外表。都係嗰句，增值自己，人自然美！

Photo from presslogic

#8 「沒有一見鐘情的資本，又缺少日久生情的條件」

可能有唔少單身狗都會有同一疑問：何謂「愛」呢？「好感」同「鍾意」有咩分別呢？以上問題小編都答你唔到，亦有唔少人因為咁而卡咗喺中間唔敢談戀愛，一來唔知自己係咪真係愛對方，二來又唔知自己可以點愛對方，更加唔知自己係咪真係愛對方。

#9 「因為寧缺毋濫定會得償所願，餓不擇食必會悔不當初」

「寧缺勿濫」絕對係唔少單身狗嘅宗旨啊！如果見一個愛一個，好快就會對愛情失去信心，再開始後悔從前嘅稚氣。反而真正等待一個對的人，再用盡所能去經營、忍耐、包容，所以終會開花結果、得償所願！

#10 「其實孤獨比將就快樂多了」

愛是恆久忍耐，「忍！忍！忍！」絕對係愛情必要元素，不過盲目嘅將就或會換來痛苦，所以並非叫大家盲目去愛另一半，有唔合理嘅地方一定要互相溝通，從對方嘅包容中慢慢改善。

但如果另一半嘅行為或價值觀等等，令你覺得難受，拍拖大部分時間都拍得唔開心的話，咁「單身，又有咩好怕喎！」。

Photo from presslogic

有時做人總會遇到唔少矛盾位，拍拖時會話「單身有單身好」，單身時又會葡萄人哋有另一半。所以唯有好好「珍惜眼前人」，不論相愛定錯過，都係一種緣份，所以絕對唔好得到時手時厭三厭四，失去時恨錯難返。

資料來源：微博

圖片來源：PressLogic

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）