日本批准人獸混合幹細胞研究以培育人類器官 《鋼之鍊金術師》「合成獸」或成真？

細個睇《鋼之鍊金術師》有一幕非常深刻，就係有個國家鍊金術師將自己個女同狗鍊成「合成獸」，合成獸最後叫咗愛德華做「大哥哥」。

呢個場景實在太驚嚇，令小編留下咗心理陰影。

Photo from 《鋼之鍊金術師》

Photo from 《鋼之鍊金術師》

依家合成獸可能會成真，因為日本文部科學省專家委員會批准人獸混合嘅幹細胞研究。

呢項研究係利用基因改造技術防止動物胚胎生出某啲器官，再將人工多能性幹細胞注入胚胎，透過人類細胞製成器官，等胚胎成長後生出可以移植到人體嘅器官。

Photo from Pinterest

不過呢個實驗可能會令動物腦中出現人類細胞，負責研究嘅中內教授表示研究員會胚胎發展到一定程度後，檢查腦部，如果胚胎腦部有超過30%人類細胞，就會中止實驗。

中內教授亦指出之前曾經喺綿羊身上做過同類型研究，而喺綿羊身上發現嘅人類細胞數量非常少，只有千分之一，所以唔會出現人獸合體嘅情況。

Photo from 《鋼之鍊金術師》

Photo from Pinterest

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）