韓國逆權電影《逆權司機》 還原1980年民主運動事件 軍人屠殺示威學生、封鎖消息、製假新聞

韓國電影《逆權司機》2017年上映，當時已經獲得大量好評，因為佢講述嘅係一個1980年韓國光洲真實發生嘅逆權故事。

Photo from IMDb

故事中嘅主角金萬燮只係一個愛財嘅的士司機，佢因為錢所以接載一名德國記者去光洲採訪，點知光洲當時已經被軍人封鎖，金司機於是謊稱呢個德國記者係商人，成功帶記者進入光洲。

Photo from IMDb

到達光洲後，金司機發現光洲一片混亂，學生嘅民主運動遭政府同軍人打壓、甚至屠殺。

Photo from IMDb

但政府封鎖晒有關光洲嘅消息，仲製造假消息誣衊學生，指呢場混亂係同朝鮮共產黨勾結嘅「叛逆學生」所造成嘅動亂。當時睇到呢啲新聞嘅人都指責呢班「叛逆學生」，覺得係佢地嘅錯，係佢地搞亂光洲。

Photo from IMDb

金司機未嚟光洲之前都以為係學生嘅錯，但喺光洲親眼見到真實情況之後，佢知道呢啲都係因為政府封鎖消息、維持佢地形象嘅維穩工程。

Photo from IMDb

光洲民眾透過報導知道咗政府對佢地嘅誣衊，佢地因此反抗，去攻擊電視台。但換嚟嘅只係軍方更激烈嘅鎮壓，有學生被情緒失控嘅特務監生打死。

Photo from IMDb

喺德國記者記錄事件後，金司機冒死想將記者送出光洲，希望佢可以話俾世界嘅人知佢記錄到嘅真相。但德國記者其實已經被當局通緝緊，就喺佢地出關嘅時候，一個士兵發現佢地車尾箱嘅攝影器材，但呢個士兵出於良知放行咗佢地。

Photo from IMDb

但隨即又被其他士兵追趕，幾經辛苦，金司機最後都可以幫德國記者返回德國，報道光洲事件。

Photo from IMDb

一個要扭曲真相蒙騙人民嘅政府唔止好可怕，仲好可悲。

Photo from IMDb

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）