獨遊獨食都唔怕尷尬！東京1人和牛立食燒肉店 可以一片片和牛咁點 1個人試勻晒多個產地/部位嘅和牛～獨遊都能食好西

愈來愈多人會選擇一個人去旅行，而東京更係唔少人獨遊嘅頭一二位。不過一個人通常好難入燒肉店食燒肉，因為大部分燒肉店都係一個個卡位，一個人食好似有少少尷尬咁，而推介呢間1人燒肉店，除咗食到A5和牛，唔少當地人都會去，而且仲幾好氣氛添！

呢間立食燒肉店喺日本當地人之間幾出名，屬於立食燒肉店，可以喺到食到A4、A5和牛，有好多來自日本各地不同種類、不同部位嘅和牛，仲要係可以一片片咁叫，一片A5和牛最平可以去到190円，啱晒獨遊人士想一次過試晒唔同款和牛、又唔駛每款叫一碟咁肉赤！

Photo from IG@jiroumaru_okachimachi

Photo from IG@jiroumaru_okachimachi

每日嚟嘅和牛都唔同款，所以每次嚟都可能有新驚喜。唔識日文嘅話，可以向師父指一指掛喺牆上嘅和牛木牌。因為呢間燒肉店好有氣氛，有啲日本食客甚至會幫手推介咩肉好食啲添。

Photo from IG@jiroumaru_okachimachi

Photo from IG@jiroumaru_okachimachi

而爐都唔係平時燒肉店見到大大個、一大班人用個種燒肉爐，而係細細個專畀一個人用嘅燒肉爐。

Photo from IG@jiroumaru_okachimachi

Photo from IG@jiroumaru_okachimachi

好少有好似呢間燒肉店咁，可以每款和牛點一片，一次過試晒唔同日本產地同部位嘅和牛，無咁肉赤又好滿足！會係好適合獨遊嘅朋友嚟食餐好嘅好選擇～

治郎丸

地址：東京都新宿区歌舞伎町1-26-3 かぶきビル 1F
營業時間：11:00～05:00
交通方法：西武新宿線【西武新宿駅】徒步1分
都営地下鉄大江戸線【新宿西口駅】徒步5分
東京メトロ丸ノ内線【新宿駅】徒步5分
ＪＲ中央線【新宿駅】徒步5分

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）