【區區遊】灣仔治癒好去處：流浪貓暫托所＋共享工作室 12隻主子陪你玩，仲可以領養佢地！

灣仔除咗食好嘢，仲有好多好去處！香港人工作壓力大，想搵個地方放鬆一下，呢浪浪抱抱呢間共用空間＋流浪貓暫托所一共有12隻可愛貓咪，你可以同小貓咪一齊做嘢，超級開心～

浪浪抱抱係一個Co-Working Space，客人可以坐喺榻榻米度做嘢，不過就要小心好奇主子們會時不時打擾你瘋狂賣萌，可愛到唔捨得做嘢！

Photo from Presslogic

浪浪抱抱一共有12隻可愛主子，全部都係流浪貓貓，有啲可能係畀主人棄養，好多都有個悲慘嘅身世，大家上到去陪貓貓玩，可以畀返啲溫暖佢地。

Photo from Presslogic

收費方面，呢度係按時間收費， 30分鐘$24，一個鐘$42起等等，已經包基本飲品同埋小食，最長可以玩足3個鐘，過足一段治癒嘅日子。

Photo from Presslogic

Photo from Presslogic

一入到去就要先洗手消毒同埋著拖鞋，之後有兩個工作空間，位置不算多，但都坐得舒服，另外仲有個陽台位置，可以同朋友一齊出去談談心，不過最正就當然係同主子一齊玩啦！

Photo from Presslogic

而店內嘅流浪貓係可以領養的，如果大家衡量過自己能力，同貓貓相處過覺得合適，可以到浪浪抱抱嘅官網上登記表格，經過探訪、檢查貓貓健康等步驟之後，就可以領養佢地喇，浪浪抱抱係唔會有額外收費的，只係會收返貓咪身體檢查費用，大家有興趣都可以上去睇下～

Photo from Presslogic

浪浪抱抱
地址：灣仔日街 1 號
網址：https://www.facebook.com/hugnhomeworkspace/

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）