護旗手王嘉爾再出擊守護中國人身分 Fans以韓文打招呼 回應：I am Chinese. OK？

韓國GOT7成員王嘉爾（Jackson）之前喺微博響應央視新聞號召，轉發「五星红旗有14亿护旗手」（五星紅旗有14億護旗手），榮升做護旗手。

Jackson對自己中國人身分非常自豪，不時喺韓國節目中強調自己係中國人，而佢護旗post一出，立即引嚟大批愛國fans為佢叫好～

Photo from 護旗手嘉爾微博

王嘉爾愛國唔係得把口！之前GOT7喺智利嘅演唱會上，Jackson更將國旗披埋喺身！以行動證明自己愛國！

Photo from 王嘉爾IG

最近喺抖音上流傳一段片，Jackson喺歐洲出席活動時遇到fans，fans用韓文向佢打招呼：「annyeonghaseyo（你好）」

而Jackson即刻用英文邊講邊露出微笑回應：「I am Chinese. OK？」，感受到佢言談間流露嘅自豪。

Photo from 王嘉爾IG

今次唔係Jackson第一次喺公開場合大聲介紹自己係中國人，佢2018年現身中國機場時，有接機fans用英文向佢告白，Jackson馬上以普通話回：「我中国人。」周圍嘅fans即刻拍晒手歡呼！

不過佢做咗護旗手之後，原定月尾舉行嘅GOT7香港演唱會即因為「目前香港社會環境上不能預測的因素，以致可影響歌迷往返演唱會場地，因首先考慮到觀看演唱會觀眾們的安全」而宣佈延期。

王嘉爾轉發護旗微博後都有好多fans擔心佢嘅安危，更勸佢呢段時間同家人搬去北京住，出席香港活動要帶多幾個保鏢。

Photo from 護旗手嘉爾微博

而Jackson喺轉發「五星红旗有14亿护旗手」微博之後，就無再轉發「我支持香港警察」嘅微博，最近佢亦返返內地，並無去到尖沙咀護旗。

Photo from 王嘉爾IG

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）