美籍吳彥祖不斷被誤會港獨 微博出文澄清～大陸網民：可是，你並沒有提一句香港是中國的！

型男吳彥祖今日喺微博以三種語言出文澄清自己並唔係「港獨分子」。

Photo from 吳彥祖WB

Danial聲明全文：

Photo from 吳彥祖WB

佢話自己雖然唔係香港人，但「對香港有深厚的感情」，亦從來冇「支持過分裂香港，這是一個非常不設實際、不合邏輯及站不住腳的想法」，希望大家都唔好再轉載或者傳播呢個不實消息。

Photo from 吳彥祖WB

但呢篇澄清文似乎冇釋除大陸網民嘅疑慮，有網民喺下面留言：「可是自始至终，你并没有提一句香港是中国的，并且反对把香港从中国分裂出去，你只是说不支持分裂香港而已」（可是自始至終，你並沒有提一句香港是中國的，並且反對把香港从中國分裂出去，你只是說不支持分裂香港而已）。

Photo from 吳彥祖WB

其實反送中風波以嚟，吳彥祖一直都未有表態，更加唔好講有份支持港獨，但就一直被大陸網民留言：「港獨！」被無端端拖落水嘅吳彥祖真係幾無辜。

Photo from 吳彥祖WB

唔通又要佢轉發「我是護旗手」先肯放過人？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）