【中秋節2024】中秋唔覺意食多咗！小編私心推5茶1湯消滯好方法 平時食滯咗都啱用～

中秋節就到喇！相信大家都準備咗唔少應節食品，想放縱吓但又怕唔覺意食滯咗點算好？！

唔駛怕，今次小編為大家準備咗幾款消滯茶同湯水，咁就算真係唔小心食多咗都唔怕喇！

Photo from PressLogic

唔少人都知道普洱茶中有大量咖啡因與單寧酸，可以有助刺激胃酸幫助消化。而唔想飲濃茶嘅大家，可以選擇綠茶，綠茶中含有豐富抗氧化物兒茶素，亦有助消化。不過胃腸功能較差的人喝淡茶較合適。

Photo from PressLogic

唔想咁齋，不如試吓下面依幾款呀！

1. 山楂布渣消滯茶

熱底人士容易出現氣機阻塞，鬱而化熱，胃中灼熱痛，胃酸倒流，大便秘結，舌紅苔黃膩等症狀。

材料：山楂19克、萊菔子11克、枳實11克、雞內金11克、布渣葉19克

做法：清水3碗，以文火煎至碗半飲用。

功能：消食導滯、瀉下泄熱

注意：此方具有清熱輕瀉嘅作用，大便溏瀉者忌服。

Photo from Presslogic

2.山楂決明子消滯減脂茶

材料：山楂10克、決明子10克

做法：將山楂和決明子加入熱水中泡10分鐘後可以飲用。

功能：有助脂肪分解、潤腸通便

注意：山楂不宜跟人蔘等補藥同服。胃酸過多、脾胃虛弱、孕婦，授乳期間婦女及長期病患者均不宜使用。

Photo from PressLogic

3. 健胃養胃飲

平時脾胃虛弱，一般神疲倦怠，納呆食少，舌淡胖，苔白，應以健脾調胃為主，輔以消食之品。

材料：北蓍11克、黨參11克、白朮11克、雞內金11克、神曲11克、大棗3枚、甘草7.5克

做法：清水3碗半煎至碗半飲用。

功能：補脾養胃、益氣消滯

注意：高血壓人士慎服北蓍，服用前應諮詢中醫師意見，或可去之不用。

Photo from PressLogic

4. 袪寒消食飲

寒底人士胃中冷痛，惡寒，大便溏瀉，舌淡胖苔白膩。

材料：山楂11克、神曲11克、黨參11克、生薑2片、木香7.5克、陳皮7.5克

做法：清水3碗，以文火煎至碗半飲用。

功能：袪寒養胃、行氣消滯

Photo from PressLogic

5. 山楂除滯飲

若平時未見特殊寒熱之症，惟過量進食後出現胃中脹悶、胃納減少之症，可服以下消滯茶。

材料：山楂11克、麥芽11克、谷芽11克、雞內金11克、大棗11克、陳皮7.5克

做法：清水4碗，以文火煎30分鐘代茶飲用。

功能：消食導滯

Photo from PressLogic

6.谷芽麥芽陳皮瘦肉湯

材料：炒谷芽，麥芽各37.5克，陳皮7.5克，蜜棗3-4粒，瘦肉225克。

做法：材料浸洗，瘦肉切片，6碗水煮約個半小時即成。

功能： 消食化積、健脾開胃、下氣和中、消滯、改善胸脘脹滿

Photo from PressLogic

另外，仲有5個服用注意事項要提提大家㗎！

1.以上消食茶應在食月餅後或食滯後飲用，不應在未見徵狀前服用。

2.不應空腹服用以上消食茶。

3.小孩臟腑嬌嫩，不能胡亂服用中藥，服用前應先諮詢中醫師意見。

4.老人家若需長期服用西藥，不應與中藥同時飲用。

5.長期胃病患者見胃酸倒流嚴重，應慎服山楂，可將其用量減至7.5克，另加海螵蛸11克。

P.S 如有疑問，可先向註冊中醫師諮詢。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）