日本USJ萬聖節園區率先睇！恐怖/高雅/可愛 3重驚嚇任你玩

萬聖節就快到，同屋企人朋友去日本環球影城USJ「應節」就最好不過啦！USJ嘅萬聖節有別於傳統萬聖節鬼屋一味靠「嚇」，更揉合咗不同元素，創新又多元化！就等小編率先帶大家睇吓有幾好玩啦！

將於9月7日-11月4日期間限定開幕嘅「環球驚喜萬聖節」，係USJ每年嘅重頭節目！今年佢就有「尖叫萬聖節」、「高雅萬聖節」、「恐怖可愛萬聖節」 3大主題園區，加入6項新登場加7項升級版娛樂設施，將恐怖、唯美、歡樂共冶一爐。無論膽大定膽細都可以盡情玩，啱晒一家大細呀！

Photo from Travel Expert

如果閣下自問膽大無比嘅話，就一定要挑戰「尖叫萬聖節」啦！事關歷年多個出名嘅恐怖迷宮，今年將升級回歸，包你聞風喪膽！「街頭喪屍」迷宮、「喪屍群舞」Show將會擴大規模，前者加入震撼級新怪物，後者就有成班喪屍表演空中特技同勁舞，High到爆！
而早喺2013-2015年大獲好評嘅「生化危機」迷宮，今年都有得玩！大家可以喺超逼真嘅警署同喪屍、舔食者展開大對決！

Photo from Travel Expert

Photo from Travel Expert

Photo from Travel Expert

今年嘅新設施都超刺激！好似有被「變異種」佔領嘅恐怖迷宮，同模仿墮入黑洞嘅過山車！喺伸手不見五指嘅環境下旋轉急轉彎，刺激度爆登！當然仲有貞子、Chucky主題劇院同迷宮，滿足一眾鬼片迷啦！

Photo from Travel Expert

想更有氣氛？小編推薦大家玩埋美感與恐怖融合嘅「高雅萬聖節」！喺度猶如置身西方恐怖劇場，仲有華麗詭秘嘅角色同大家互動。喺升級版「Hotel Albert 2鎮魂曲」恐怖迷宮，大家可以體驗造訪陰森豪華酒店，目擊同重組駭人故事嘅來龍去脈，幕幕心寒，疑幻疑真。
全新嘅「園畔護柵 被詛咒的玫瑰之宴」驚魂餐廳場景瑰麗，靈異大宅女主人同主廚將為你預備「恐怖大餐」。而「被詛咒的玫瑰園」就係一個詭異綺麗嘅玫瑰迷宮，玩完仲可以喺度影返張打卡相！另外仲有美艷吸血鬼喺4D恐怖劇院等你「開餐」！

Photo from Travel Expert

Photo from Travel Expert

至於膽小鬼或者家中長幼，都可以喺「恐怖又可愛萬聖節」，感受熱鬧開心嘅萬聖節㗎！今年繼續有萬聖節慶典巡遊，大家可以喺漫天五彩紙屑同泡泡下，跟著各國花車、Cute到爆嘅表演者載歌載舞！當中包括「恐怖Look」上陣嘅Minions同「BlingBling發光裝」芝麻街角色！
最特別嘅係，今年園區大道將設大型「糖果雨」，大量糖果會「從天而降」，呢個Trick or Treat一定「收獲豐富」啦！新加入嘅「惡作劇街道」都玩味十足，大家可以「攞正牌」同表演者合作整蠱遊人，當然亦可以享受被人整蠱啦！

Photo from Travel Expert

Photo from Travel Expert

玩完3大園區，萬聖節環球市集都不能錯過，必試今年推出嘅晚間喪屍主題美食！至於哈利波特魔法世界活米村，仲會佈滿南瓜燈，變身萬聖節小鎮！大家記得去搵魔法師玩Trick or Treat啦！

Photo from Travel Expert

全部節目都咁精彩，真係想一次過玩晒呀！不過排隊玩往往要等1-2個鐘先玩到，唔想花咁長時間排隊嘅話，專業旅運推出嘅「環球影城驚魂夜特快入場券」就係一個好選擇。3種唔同組合嘅快速通關券任你選擇，等大家可以「快人一步」，特快進入指定遊樂設施，把握更多時間，玩轉成個USJ！而家仲做緊優惠，只售$478起/位起咋！
立即訂購：http://bit.ly/328HQ3A

Presented By Travel Expert