《愛回家之開心速遞》金城安扮狗演技大爆發 原來前世真係Lucky？

《開心速遞》向來緊貼熱話，之前就曾經有新聞提到有有主人同愛寵陰陽相隔，但發現自己個仔好有可能係愛寵嘅投胎轉世。

琴日播出一集就講到「破壞界KOL」金城安因為一時唔小心，跣咗阿媽一鑊，令熊尚善骨折入院。

受傷嘅熊尚善因為護士憶起以前養嘅狗仔Lucky，佢為救主人而犧牲，臨終前熊尚善叫佢投胎要留返背上嘅心形記號，等主人認得佢。

Photo from 《愛回家之開心速遞》

Photo from 《愛回家之開心速遞》

而想向阿媽道歉嘅金城安咁啱聽到呢件事，為咗避免俾阿媽打，竟然諗咗條屎橋—就係扮Lucky轉世！

不得不說金城安扮狗真係扮得入型入格，用個鼻聞嘢、伸脷，都勁似。

Photo from 《愛回家之開心速遞》

Photo from 《愛回家之開心速遞》

最誇張係喺了解咗Lucky最鍾意電視劇入面嘅狗仔Popeye之後，完美表現出狗仔見到心儀狗女嘅反應，難怪連多疑嘅熊尚善都信咗佢。

Photo from 《愛回家之開心速遞》

Photo from 《愛回家之開心速遞》

金城安今集演技大爆發，唔止扮狗扮得好似，連俾阿媽打嘅凄慘、呃到阿媽個得戚樣，同埋後面勇救熊尚善嘅感動位都做得好好。

Photo from 《愛回家之開心速遞》

愛回家最尾當然有反轉，就係被發現係假扮Lucky嘅金城安去剪髮嘅時候，後腦竟然有心型胎記！即係金城安真係Lucky轉世！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）