2019韓國賞楓打卡熱門景點 走遍夢幻紅葉大道！

邊個話睇紅葉一定要去日本睇？韓國都一樣欣賞得到～小編就介紹5個熱門賞楓打卡秘境：邊山半島國立公園、周王山、內藏山、南怡島、慶州，等你一次過走遍夢幻紅葉大道！

1.邊山半島國立公園
邊山半島好似聽落好陌生，但係佢嘅四方池喺唔少韓劇出現過，而經典韓劇《大長今》就係喺嗰度拍咖啦！來蘇寺就係劇入面「禪雲寺」絕美秋景嘅地方。而且喺呢個國立公園可以見到滿山紅葉嘅壯觀景色，一片片楓樹林陪伴在側，附近仲有瀑布添～

潺潺流水聲，配上一流嘅紅葉，互相映襯，秋意極濃！所以呢度亦都係唔少韓國攝影師拍紅葉嘅首選場地。喺呢度散吓步、睇吓書，咁就過一日，非常愜意～

夜晚仲可以入住位於海邊嘅酒店，無敵大海景配美食，簡直係人生一大樂事！

2.周王山
鍾意到處打卡嘅你，呢個賞楓地方真係唔可以錯過！秋天時分嘅周王山，成個山頭都佈滿楓葉，行到入去就好似畀楓林包圍住，超壯觀！而且，人稱「隱世紅葉秘境」嘅浮石寺係遊客打卡必到！

除咗有深紅嘅楓葉，仲有金黃嘅銀杏樹，鍾意寧靜，吸收大自然清新空氣嘅你，呢個地方絕對適合你！

睇完楓葉，你仲可以行吓喺丹陽江天空步道，高空飽覽南漢江嘅城市景色，更添一份刺激感，最啱帶埋小朋友一齊嚟玩！！

3.內藏山
內藏山嘅紅葉被評為韓國10大靚景之一！喺天然嘅紅葉隧道散步，自己就好似浪漫韓劇中嘅主角，勁夢幻！打卡影相真係冇得輸！你可以搭纜車上山，由低至高，將內藏山絕美嘅紅葉仙境盡收眼底！

Photo from PressLogic

雖然去內藏山路途遙遠，來回大概需時6個鐘，但唔少遊客去過之後都極力推介，超級值得！

4.南怡島

數到遊韓必去嘅點少得四季都風景怡人嘅南怡島！江原道離首爾只有1個鐘內嘅車程，所以絕對唔難去！10月至11月嘅南怡島係最靚～深紅嘅楓葉加金黃嘅銀杏，隨隨飄落，秋天氣息非常濃厚！

Photo from PressLogic

Photo from PressLogic

附近有個晨靜樹木園，同樣有唔少高高矮矮嘅楓葉林，激似一個皇室嘅後花園，高貴脫俗！

之後，仲可以企喺透明嘅天空步道，用獨特角度，睇盡呢個如夢似幻嘅秋景添～

5.慶州佛國寺

韓國唔係得首爾先有紅葉睇嘅～另一個旅遊勝地釜山附近嘅慶州，到咗秋天就變成楓葉世界！慶州佛國寺係一個融合秋葉同歷史文化建築嘅景區，充滿書卷味！有啲似穿越時空，返咗去古代咁～

Photo from PressLogic

Photo from PressLogic

結束賞楓之旅，下晝仲可以到韓國最東邊嘅蔚山艮絕岬，親手寄出許願明信片；仲可以去埋經典韓劇《我的夢想型男》取景嘅竹城夢想教堂，感受浪漫甜蜜嘅味道～

秋天就係一閃即逝，短暫而唯美。如果想欣賞到浪漫迷人嘅紅葉靚境，就要把握賞楓時機，上Klook留意相關嘅韓國賞楓旅行團，同摯愛一齊走遍呢片絕色楓林美景。

Photo from: Klook
Presented by: Klook