回顧2018年韓國紅葉期！計畫2019旅遊行程 萬勿錯失紅葉全盛時期！

秋天起，又到遍地紅葉嘅季節啦！講到賞紅葉當然以日本、韓國比較受歡迎，雖然2019年嘅韓國紅葉未開始，不過都可以透過2018年紅葉期，預測2019年賞紅葉大概時份，方便大家買定機票、Plan好行程，再出發賞紅葉啦！

韓國嘅紅葉銀杏非常靚，特別係每年10月，都有唔少人專程到韓國打卡同欣賞紅葉㗎！根據氣象局最新天氣預測，韓國全國地區於9月及10月份嘅溫度，將處於正常及高於平均值水平，而9月份天氣會比較乾燥，落雨機率相對較少，而10月份嘅落雨機率會稍微上升至正常或高於平均值。

Photo from Presslogic

而韓國秋季平均溫度與往年相若，全國紅葉週期將出現於9月下旬至11月上旬，一般到達10月中下旬，將會喺紅葉最頂峰嘅時間，到時遍地紅葉，絕對會非常壯觀！

Photo from Presslogic

2019年最早出現紅葉嘅地方預計為束草一帶，將會於9月底至10月中；之後分別為慶州、首爾以及仁川一帶陸續可欣賞到紅葉；直至10月底，釜山、濟州島、全州一帶都會出現紅葉，當中以首爾、釜山及濟州島為熱門賞紅葉勝地，大家可以Mark實以下預測紅葉時段及地方，夾定日程去賞紅葉：
束草：9月底 - 10月中
首爾、慶州、仁川：10月中 - 10月底
釜山、濟州島、全州：10月底 - 11月初

Photo from Presslogic

而根據民間機構Kweather，於去年公布嘅2018年紅葉預測中顯示，去年紅葉於9月尾由雪嶽山開始染紅，中部地區則要到達10月中旬才開始，直至10月下旬，光州無等山等南部地區亦能開始見到紅葉。

Photo from Kweather

而紅葉全盛時期將會在染紅後2星期左右開始，10月中旬開始雪嶽山出現達80%紅葉，中、南部地區則於10月下旬踏入全盛時期，最遲為內藏山，到11月上旬才進入全盛時期。

Photo from Kweather

大家可以透過去年紅葉時間，大概預測2019年賞紅葉最佳時份，Plan好大概行程，咁就唔會錯過全盛時期嘅紅葉啦！記得帶多部相機，準備好足夠容量瘋狂打卡啦！

圖片來源：Kweather、Presslogic

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）