「地球第二肺」剛果盆地森林燃起大火 範圍／密度比亞馬遜更嚴重

近日巴西「地球之肺」亞馬遜熱帶雨林嘅大火引起全球關注，各界名人包括里安納度、C朗等人都為其發聲。

與此同時，喺非洲嘅「地球第二肺」剛果盆地森林原來都有大火焚燒，情況嚴重。

剛果盆地位於非洲中西部，橫跨6個國家。熱帶雨林面積有330萬平方公里，僅次於亞馬遜熱帶雨林，有「地球第二肺」嘅稱號。

Photo from PressLogic

根據NASA嘅衛星圖顯示，巴西亞馬遜雨林有星星點點嘅火災發生，而非洲嘅情況似乎更為嚴重，一大片都變成紅色，密度更高。

Photo from NASA

剛果盆地嘅火場數目甚至比亞馬遜森林多出接近5倍，喺48小時內，安哥拉錄得約7000場大火，而剛果就錄得近3000場，比巴西2000場火災數量更多。

情況若繼續惡化，唔單止會造成空氣污染，亦會加劇全球暖化同破壞生態系統，後果嚴重。

Photo from PressLogic

不過安哥拉當局解釋，每到旱、雨季交接，當地居民會放火焚林、伐木焚地嚟整理田地，為新一輪耕作做準備，係傳統耕作現象。

Photo from PressLogic

Photo from PressLogic

森林專家Lauren Williams亦表示非洲大火主要範圍喺熱帶草原中，火勢並未對熱帶雨林造成嚴重損害。

但係呢種傳統耕作方法唔止會造成土壤侵蝕，亦破壞生物多樣性，對生態環境影響好大。

Photo from Earth Alliance

綠色和平嘅Wabiwa Betoko亦認為當地政府並無充足嘅救火資源同技術，火災一旦蔓延到熱帶雨林，到時情況會比亞馬遜雨林更加嚴重。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）