「前任，我丟了」：狠狠丟去「前任」這垃圾 新北市推「垃圾話」環保袋！

喺台灣每當響起熟悉嘅音樂，大家都會準備好去追垃圾車丟垃圾，而之前喺香港所講嘅垃圾徵費，令唔少市民都有覺反感同麻煩，「丟垃圾」呢件再熟悉不過嘅事情，如何令佢「丟」得快樂又有趣呢？若香港要推行垃圾膠袋徵費，不妨都可以參考下新北市呢個超可愛「垃圾話」環保袋！

日前新北市政府環境保護局以「台灣人倒垃圾囉！」為題，聯同國立台灣藝術大學得獎設計師合作，推出一系列限定版「垃圾話」環保袋，令市民可以透過丟垃圾呢件例行公事，以及將等待垃圾車嘅過程變得美好又治癒，從垃圾袋上嘅可愛話語中釋放生活負能量！

Photo from 垃圾話

「垃圾話」環保袋將分成3個系列，包括「幹話系列」、「搭訕系列」以及「公益系列」，每個系列將推出5款唔同話語垃圾袋，搞笑語句再配上可愛圖案，呢個垃圾袋小編真係唔捨得丟啊！當局仲為一系列「垃圾話」環保袋拍攝真人仿拍廣告，以真人模仿膠袋上嘅插畫，相片當堂變得超搞笑！

Photo from 垃圾話

Photo from 垃圾話

Photo from 垃圾話

「前任，我丟了」
當現任變成前任，人走了，但家中總會有佢零零碎碎嘅物件，遺物拖拖拉拉都回不到前任手上，回憶也始終拋不掉。如果記憶抹不去，就從今日起下定決心，收拾他留下來的「垃圾」，用膠袋狠狠封存處理，反正從今開始，「前任」這件垃圾，我丟了。

Photo from 垃圾話

「天天都是垃圾日」
儘管每天忙碌工作、工作、工作，回家又或是假日時，再忙也要提神好好打掃一下家居，將所有霉氣都掃走，再去拋個垃圾，連同負能量全都拋走！拋掉「天天都是垃圾日」這概念，明天又是美好新一天啦！

Photo from 垃圾話

「好想當垃圾」
每天都掛着倦容做人，特別是那張似笑非笑嘅表情，你是否也像一個垃圾膠袋，每天心裡盛載很多垃圾，自己也將要如同垃圾般被處理，卻要努力偽裝成很有用處的樣子？你是否也好想休息，好想每天都當一件垃圾啊？

「命中注定，你相信嗎？」
如果「愛與不愛，只相差一秒」，咁「一見鍾情同命中相定，又相距幾遠呢？」，無人知自己幾時會遇上真命天子，可能係跑入車廂嘅時候，你唔覺意撞倒我；可能係逛超市嘅時候，我哋拎起同一款飲品；又或者係，等待垃圾車嚟嘅時候，你就企喺我旁邊。

Photo from 垃圾話

「你是我的愛麗絲」
《給愛麗絲》呢首歌，係大家熟悉嘅垃圾車音樂，我哋今日憑呢首歌相遇，明天要憑呢首歌相識，其後再憑呢首歌相愛吧！因為你，就是我的愛麗絲。

Photo from 垃圾話

「一起倒我們的垃圾」
我希望自始以後不再只得我一人等待垃圾車到來，也不希望你在深夜時分只得自己一個在倒垃圾，不如這樣吧，以後我們一起倒垃圾，一起倒我們的垃圾，好唔好啊？

Photo from 垃圾話

呢個垃圾膠袋真係搞笑又曖昧啊！所以話生活再平凡，只要花多點創意，真係連倒垃圾都可以好好玩！生活喺香港嘅小編表示，今晚要拎返個透明膠袋寫字畫插畫！

圖片來源：垃圾話

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）