2019年日本紅葉／銀杏預測！全日本盛開期一覽 附著名景點最佳觀賞期！

秋天到啦，楓葉隨即開始慢慢轉色，全紅景象絕對係難忘且打卡必到景點啊！買咗機票準備喺今個秋天去日本旅行嘅朋友，有無留意定日本最新紅葉／銀杏預測呢？

小編今次就為大家一次過分析2019年日本最新紅葉／銀杏預測，大家記得Mark實以下紅葉情報，整理自己自由行行程啦！

Photo from 日本氣象株式會社

近日日本氣象株式會社以及Weathernews均已公布2019年第一回紅葉及銀杏預測，由於今年氣溫較去年高，因此今年紅葉及銀杏最佳季節會較上年略遲，9月份去嘅朋友未必睇到紅葉及銀杏盛開啦！

Photo from 日本氣象株式會社

Photo from 日本氣象株式會社

北海道
日本氣象株式會社表示，由於溫度較往年和暖，紅葉時期預計為9月下旬至11月初將會於山區盛開期，而平原則要等到10月中旬至11月下旬盛開。銀杏方面都會較上年稍遲，預計10月下旬至11月下旬會於平原地區盛開。

Photo from Weathernews

而Weathernews則預測咗幾個著名景點嘅紅葉及黃葉期，大致都係於9月下旬至11月初。

Photo from Weathernews

東北
Weathernews顯示，紅葉時期將會喺10月上旬先出現於八幡平、磐梯吾妻、月山一帶，其後地方會10月中旬至11月下旬陸續出現。而日本氣象株式會社顯示，東北山區地方嘅最佳觀賞時期為11月上旬，而普遍於東北平原嘅紅葉最佳觀賞時間為11月中旬至下旬。

Photo from Weathernews

銀杏方面，日本氣象株式會社顯示盛開時期為11月上旬至11月下旬。參考Weathernews資料顯示，其中盛岡城跡公園(岩手公園)最佳觀賞時期為10月30日，而吾妻運動公園最佳觀賞時期為11月2日。

Photo from Weathernews

關東
關東地區嘅紅葉時間較長，日本氣象株式會社顯示，山區地方會先於10月中旬開始至11月下旬，而平原地區於11月下旬才開始，維持至12月中旬。而部分著名景點嘅最佳紅葉觀賞時期，就可以參考Weathernews啦！

Photo from Weathernews

銀杏方面，將會於11月中旬盛開至12月上旬。參考Weathernews資料顯示，東京國營昭和紀念公園最佳觀賞銀杏時期為11月13日，而神宮外苑銀杏並木則為11月28日。

Photo from Weathernews

中部
日本氣象株式會社資料表示，北陸地區紅葉會先盛開，時期約由10月中旬至11月下旬左右，而東海地區將會於10月下旬開始，同樣至11月下旬左右。而部分著名景點嘅最佳紅葉觀賞時期，同樣可以參考Weathernews！

Photo from Weathernews

銀杏方面，則會由11月中旬開始，北陸地區維持至11月下旬，時間較短，而東海地區會維持至12月上旬。比較著名嘅景點白川鄉，觀賞銀杏最佳時間為10月25日。

Photo from Weathernews

近畿（關西）
直至11月上旬，近畿嘅山區地方也開始可欣賞到紅葉，約維持至11月中旬。到11月下旬，預計平原地區紅葉陸續盛開至12月上旬時間。Weathernews也列出了部分受歡迎地方嘅最佳紅葉觀賞期，以作參考。

Photo from Weathernews

銀杏方面，近畿地區將會由11月中旬開始出現黃葉，至11月下旬。而大阪城公園嘅銀杏最佳觀賞時間為11月17日。

Photo from Weathernews

中國
中國地區嘅紅葉時期與近畿地區相若，同樣為11月上旬由山區地方開始盛開，至11月中旬。到11月下旬，預計平原地區紅葉陸續盛開至12月上旬時間。

Photo from Weathernews

銀杏方面，中國地區嘅黃葉時期預計較近畿地區長，由11月中旬至12月上旬。而龍藏寺嘅銀杏最佳觀賞時間為11月22日。

Photo from Weathernews

四國
日本氣象株式會社資料顯示，四國地區紅葉將會由10月下旬維持至12月上旬左右。

Photo from Weathernews

而銀杏方面，會由11月中旬維持至12月上旬。而大窪寺嘅銀杏最佳觀賞時間為11月8日。

Photo from Weathernews

九州
九州山區地方，整個11月都會係紅葉盛開期，至11月下旬，平原地方經葉陸續盛開至12月中旬。

Photo from Weathernews

而銀杏方面則將會由11月下旬維持至12月上旬。

Photo from Weathernews

中意睇紅葉、黃葉嘅朋友，可以因應第一回紅葉、銀杏預測計畫行程啦！如果計畫於10月中打後先出發到日本，日本氣象株式會社將會於10月上旬公布第二回預測，到時再Plan行程就更準確啦！

圖片及資料來源：日本氣象株式會社、Weathernews

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）