【澳洲山火】係愛呀！背部/耳仔燒傷 樹熊媽媽為保護仔仔不惜以身擋火

澳洲昆士蘭嘅山火仍未受控，當地已有多達69處火頭，數千公頃土地被破壞，大批野生動物家園被毀，當中更有唔少動物逃亡時不幸受傷，甚至死亡。

而喺上周昆士蘭警方進行救援時，發現一對倖存嘅樹熊母子，母子坐喺樹幹上，樹熊媽媽雙手緊抱仔仔以作保護。

Photo from Wildcare Australia Inc.@FB

當地嘅警長指，當時佢哋母子身邊所有嘅嘢都已經被燒毀，而樹熊媽媽就伸長雙手緊緊抱住，以自己嘅身體保護仔仔。

Photo from RSPCA Queensland @FB

其後，樹熊母子被送往當地野生動物醫院RSPCA Queensland，經檢查後，發現媽媽背部嘅毛被燒焦，耳仔亦被燒傷，不過幸好佢嘅仔仔完全冇受傷。

Photo from RSPCA Queensland @FB

另外，獸醫指樹熊母子吸入嘅濃煙需要兩到三天才能清除，佢哋正採取一切預防措施，以減輕環境帶嚟嘅壓力，並喺未來嘅日子為樹熊母子提供最好嘅照顧。

?2019日本韓國紅葉懶人包

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）