【JOKER小丑】由瘋狂得如死水嘅城市造就小丑 「是我想太多，還是這世界越來越瘋狂?」

《JOKER小丑》為DC最經典反派小丑獨立故事，不過呢套電影獨立於DC擴展宇宙（DCEU），所以情節有別於漫畫。一講起「小丑」就好自然會諗起《蝙蝠俠：黑夜之神》希夫烈格(Heath Ledger)嘅小丑，但由華堅馮力士(Joaquin Phoenix)飾演嘅小丑亦相當出色。

Arthur Fleck(華堅馮力士 飾)係個出租小丑，好希望成為棟篤笑匠，就好似佢媽媽幫佢改嘅花名「Happy」咁，想為大家帶來歡樂。但受盡社會冷漠同殘酷所折磨，由一個有血有肉嘅人，一步步推向成為「小丑」。

Photo from WBPicturesHK

與其話呢套電影係英雄電影系列衍生出嚟嘅電影，不如話佢係刻劃現實世界嘅故事。並無英雄電影嘅正派、反派嘅對立，只有一個社
會邊緣人點樣由想為大家帶來歡樂，被社會以及身邊嘅人嘅惡意，令佢幾經掙扎先會成為小丑。

Photo from WBPicturesHK

同漫畫跌落化學池成為「小丑」有所出入，喺《JOKER小丑》嘅Arthur本來都係個有同理心、善良嘅人，經呢個貧富懸殊、社會歧視、政府對市民置若罔聞，甚至削減社福資金嘅葛咸城洗禮，一層一層咁「蛻變」為小丑。

＊劇透警告＊

Arthur本來係個潦倒嘅出租小丑，但唔代表佢無夢想，亦唔代表佢因為咁而成為邊緣人。曾經佢好渴望可以為人帶來歡樂，仲會做好多唔同嘅努力，只係為咗成為棟篤笑匠，而呢個社會將佢慢慢推向「小丑」。

Photo from WBPicturesHK

電影一開始就睇到佢化小丑妝，老實咁工作，但就畀班街童搶走佢拎住嘅廣告牌，仲將佢毒打一餐，而老闆因為佢嘅病，並唔聽佢任何嘅解釋，認為係佢收埋廣告牌，係咁要佢拎返出嚟，如果唔係再咁落去就要炒咗佢。

Photo from WBPicturesHK

Photo from WBPicturesHK

睇落佢好似無意義咁大笑，但其實佢走到後巷瘋狂咁踢垃圾發洩，佢都有情緒。對巴士遇到嘅小朋猶釋出善意咁整古做怪氹佢笑，反而令小朋友嘅媽媽帶有色眼鏡咁叫佢唔好騷擾個小朋友。

Photo from WBPicturesHK

但仲要返屋企照顧年老體弱嘅母親，為咗唔令母親擔心，一直都掛住笑臉，對母親嘅溫柔同耐性係觀眾想像唔到佢就係大家心目中嘅「小丑」。

Photo from WBPicturesHK

佢渴望喺眾人目光下被認同，曾經亦渴望有人可以聆聽。

佢同事明知佢嘅精神狀態唔穩定，仲用睇好戲嘅心情塞支槍畀佢。Arthur收到手槍，係想要但知道佢唔應該擁有，打算畀返同事，但同事堅持要佢收，佢先收。

Photo from WBPicturesHK

Joaquin Phoenix演到Arthur個種對槍感興趣，但佢將個種渴望壓抑落嚟、再喺屋企跳住舞咁擺弄把槍、唔小心對牆開咗槍而驚慌，都睇到原本佢並非殺人唔眨眼。

Photo from WBPicturesHK

但當佢喺兒童病房跌咗槍慌忙收好，都係被投訴，先發現以為對佢好嘅同事係刻意陷害佢，因為覺得佢唔正常，想佢闖大禍。對於佢嚟講，係對佢相信人性嘅一大打擊。

Photo from WBPicturesHK

幾個打扮斯文嘅西裝友喺地鐵借醉調戲女仔，因為佢嘅病令佢怪異咁大笑，同時都間接幫咗個女仔畀佢逃走到，但到佢被呢班打扮光鮮卻掛住齷齪嘴臉嘅西裝友圍打，佢只可以自衛。

開槍個下發現要停止人地對佢嘅暴行，就係以暴制暴。

Photo from WBPicturesHK

Arthur本來係驚，但報紙登晒頭版，低下階層反而出現一股推崇小丑嘅熱潮，令Arthur得到一直以來苦苦追求嘅「認同」。

Photo from WBPicturesHK

尊敬嘅棟篤笑主持人向電視前嘅觀眾，毫不留情地嘲笑Arthur之前嘅表演。再發生佢曾經以為喺黑暗中嘅一絲「光明」、瀕臨懸崖邊緣嘅一條救命稻草，原來都係假象，猶如由天堂被推落地獄嘅反差。

Photo from WBPicturesHK

一直堅信、以為係事實嘅信念更血淋淋係佢面前拆穿係謊言，觀眾都可以感受到佢嘅世界徹徹底底崩坍。到佢上節目前化妝，都可以睇到Arthur嘅氣場已經唔同晒，甚至要主持人向觀眾介紹佢為「Joker」。

Photo from WBPicturesHK

「是我想太多，還是這世界越來越瘋狂?」

一眾支持小丑嘅示威者救走咗佢。好寫實咁描繪出現實社會嘅政府，當對市民困境視而不見、仲口口聲聲為大眾好但其實漠不關心，只顧及自己利益，無正視問題所在，被苦苦壓迫嘅群眾從而渴望有種可以推倒政府嘅極端力量。

Photo from WBPicturesHK

「這是一溝絕望的死水，
清風吹不起半點漪淪。
不如多扔些破銅爛鐵，
爽性潑你的剩菜殘羹。
也許銅的要綠成翡翠，
鐵罐上鏽出幾瓣桃花」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）