【南極探險】全球徵5人！免費遊南極一個月　同科學家齊齊研究環境污染問題

南極係唔少人人生必到嘅探險體驗地點之一，但如果冇一個完善嘅計劃，相信大家都唔會出發。而今次機會嚟喇！Airbnb近日推出南極科學考察之旅，計劃喺全球徵5個有冒險精神及對環保有熱誠嘅人，免費遊南極4星期。

今次Airbnb就同Conservancy合辦依個南極研究計劃（Antarctic Sabbatical），全球招募5名參加者，於今年18/11至16/12，與環境科學家Kirstie Jones-Williams一齊研究人類對環境嘅影響。

Photo from Airbnb

參加者會免費遊南極4星期，當中唔需要專業資格，只要有冒險精神及對環保有熱誠就可以。

Photo from Airbnb

行程中，第1同第2週，參加者會喺智利與隊長Kirstie見面，並接受身心培訓，以便有能力應付南極嘅惡劣環境及進行研究，同時會學習科學術語、檢查裝備、認識當地合作夥伴及探索智利野外生態。

Photo from Airbnb

之後就會正式前往南極，到達聯合冰川營地（Union Glacier Camp）後，會喺依度停留10日，每天進行數小時研究工作及探索，其間你仲有機會可以欣賞到德雷克冰瀑 (Drake Icefall)、查爾斯峰風挖穴 (Charles Peak Windscoop)、象島 (Elephant's Head) 等美景。

Photo from Airbnb

Photo from Airbnb

同時，參加者仲可以騎雪上電單車與粗輪單車，蒐集實驗室嘅檢測樣本並展開研究，睇啡南極洲內部是否存在微塑膠。

Photo from Airbnb

到最後一個星期，參加者就會返回智利整理研究結果，並向公眾展示人類對地球最偏遠地區所帶來嘅影響，擔任海洋保護協會嘅宣傳大使，為海洋保育發聲。

Photo from Airbnb

依個計劃除咗可以一圓大家去南極探險之外，仲咁有意義真係聽到心郁郁呀！

申請詳情：Airbnb
截止時間：2019年10月8日晚上11:59前（美國東部時間）

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）