【迪士尼電影】真人版白雪公主即將開拍 《Speechless》班底再作神曲

迪士尼近年積極開拍真人版電影，包括經典嘅公主系列：《阿拉丁》、《小魚仙》、《美女與野獸》、《仙履奇緣》等，仲有以CG為主嘅《獅子王》、《小姐與流氓》等。

據外媒報導，迪士尼第一部長篇動畫《白雪公主》即將開拍真人版電影。

Photo from 《白雪公主與七個小矮人》

《白雪公主》真人版預計會喺出年3月喺溫哥華開拍，依家已經開展選角工作，包括白雪公主、王子、巫婆/皇后同7個小矮人。

Photo from 《白雪公主與七個小矮人》

Photo from 《白雪公主與七個小矮人》

Photo from 《白雪公主與七個小矮人》

Photo from 《白雪公主與七個小矮人》

真人版《白雪公主》改編自經典動畫片《白雪公主與七個小矮人》，預計會同真人版《阿拉丁》一樣，喺保留原著嘅音樂外再加入新嘅原創音樂。

而真人版《阿拉丁》中茉莉公主嘅主題曲《Speechless》深受歡迎，詞曲作者係Benj Hasek同Justin Paul，佢地曾參與《星聲夢裡人（La La Land）》嘅創作。佢地亦會為真人版《白雪公主》作新歌。

雖然之前已經有開拍過以白雪公主為主角嘅主人版電影，包括：《魔鏡·魔鏡：白雪公主決戰黑心皇后》、《白雪公主之魔幻復仇記》等，但今次係迪士尼親自開發嘅真人版電影，仍引嚟外界關注。

Photo from 《魔鏡·魔鏡：白雪公主決戰黑心皇后》

之前網民就非常積極推薦曾喺《魔鏡·魔鏡：白雪公主決戰黑心皇后》中飾演白雪公主嘅Lily Collins再做主角，而「美國隊長」Chris Evans就做王子。

Photo from 《魔鏡·魔鏡：白雪公主決戰黑心皇后》

Photo from 《魔鏡·魔鏡：白雪公主決戰黑心皇后》

Photo from 《Captain America: The Winter Soldier》

好期待啊！！！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）