食落仲有甜中帶少少苦！日本便利店再推比利時粒粒生朱古力雪糕 朱古力味超濃厚～仲要卡路里唔高

日本便利店成日都有好正嘅嘢食推出，今次就再推之前大受歡迎粒粒生朱古力雪糕，味道濃厚之餘，卡路里仲要唔算高添！

日本7-11最近再度推出粒粒生朱古力雪糕，上面鋪滿好多細細粒嘅生朱古力，當中選用比利時出產嘅生朱古力，所以味道好濃厚。以為咁濃厚卡路里會好高，但原來唔係，先得188卡路里！

Photo from 日本711

今次將可可粉增量，入面仲加入隱藏嘅微苦味道，就係淡淡嘅咖啡味，食起嚟有種屬於大人嘅苦甜味，而一粒粒嘅生朱古力配合雪糕，口感幼滑得嚟又濃厚，好適合一眾朱古力迷～

Photo from 日本711

售價大約為218円（約hk＄16），去日本旅行經過7-11可以去睇睇。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）