韓國女團前f(x)前成員崔雪莉身亡 年僅25歲 出道10年

據韓國媒體，韓國女團f(x)前成員崔雪莉今日喺寓所內被發現身亡。

Photo from Hot Summer MV

年僅25歲嘅雪莉喺2009年出道成為女團f(x)一份子，2015年退出f(x)，出道10年嘅佢曾出演多套大熱韓劇。

Photo from 雪莉IG

雪莉退團後作風變得越嚟越大膽，不時喺社交網站上載冇著內衣嘅相片，被唔少網民批評太過性感。

Photo from 雪莉IG

崔雪莉今日被發現身亡，警方正確認有冇遺書。據報係經理人發現雪莉嘅屍體。

Photo from 雪莉IG

Sm經紀公司今日下晝亦發出官方聲明證實雪莉已經離世，SM表示：「非常抱歉傳來悲傷同惋惜嘅消息，雪莉離開咗我地。現在嘅情況太令人難以置信同悲傷。家屬都因為呢個突如其來嘅噩耗而陷入悲痛，為咗佢地，懇請大家唔好散播謠言或者不實嘅推測。為逝者最後一程而默哀。」

Photo from 具惠善IG

韓國唔少圈中人都為雪莉嘅離去而感到惋惜。曾經同雪莉合作嘅具惠善同安宰賢都有出PO。具惠善上傳一張圖片上面寫住：「小孩雪莉，睡吧，我愛你。」

Photo from 安宰賢IG

而安宰賢則似未能接受雪莉離世嘅事實，佢不斷反問係咪新聞太奇怪？定係因為佢服用咗太多藥物，係佢太奇怪？唔少網民都擔心安宰賢嘅心理健康。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）