Sulli 雪莉今日身亡 為前f(x)成員 疑因生前患嚴重抑鬱

f(x)前成員Sulli崔雪莉今日喺韓國嘅屋企被經理人發現身亡，年僅25歲。韓網稱未有發現遺書。

據知雪莉前一日仍有update IG，今日亦有節目拍攝嘅行程。而經理人自琴晚開始同佢失去聯絡，今日喺雪莉屋企發現佢。

Photo from 雪莉IG

韓國新聞報導，經理人指雪莉生前患有嚴重抑鬱症，佢前一日仲有拍廣告，處於正常工作狀態，亦有up IG。

Photo from 雪莉IG

雪莉本來今日會拍攝韓國節目《惡評之夜》，佢喺2015年從f(x)退團時包受惡評至今。

Photo from SM

Photo from Hot Summer MV

佢曾經喺呢個節目入面講到自己內心實際上非常黑暗：「但作為藝人，好多時要表現得好開朗咁」

Photo from 雪莉IG

喺採訪中亦有提過大眾對佢嘅爭議：「感覺有好多人帶住有色眼鏡睇我，所以好難過」，「希望記者多疼愛我，寫啲好嘅新聞，觀眾朋友都多疼愛我」

Photo from 雪莉IG

而雪梨所屬公司發佈咗官方聲明：「非常抱歉向大家傳達非常悲傷同令人惋惜嘅消息。雪莉離開咗我哋。依家我哋非常難以置信同悲痛。」

希望故人好好安息。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）