IU為好友Sulli雪莉寫歌《桃子》再登音源榜 好友接連離世 網友擔心IU
韓國團體f(x)前成員Sulli雪莉琴晚於住所內逝世，終年僅25歲。
佢於離世前仍繼續工作，突然離開人世令人難以接受。佢逝世消息傳出後，網民自發舉辦悼念活動。
包括喺網上搜尋「雪莉 我愛你」，雪莉生前飽受惡評攻擊，曾經喺節目中表示希望記者、觀眾可以多疼愛佢，而佢之前嘅相關搜尋詞都比較負面，於是網民改為搜尋「雪莉 我愛你」，為雪莉嘅相關搜尋詞作淨化。
Photo from 雪莉IG
同時有網民向青瓦台請願，要求嚴懲向雪莉留惡評嘅網民。
而雪莉好友韓國歌手IU 7年前曾幫對方寫咗首歌叫《桃子》，歌詞寫到：「你對著我輕輕笑的時候 真的都要瘋了 怎麼那麼可愛呀 babe」、「Oh 要用什麼詞才能形容你呢？這世界上的詞大概不夠 用那雙不動也可愛的腿朝我走來，擁抱我的你呀……」以男性角度點出雪莉嘅可愛，好以水蜜桃咁令人感覺甜蜜。
Photo from 雪莉IG
最近播出由IU擔任女主角嘅《德魯納酒店》，雪莉亦有參演，雪莉離世後，IU為佢所寫嘅《桃子》重新登上音源榜。
Photo from 雪莉IG
Photo from 雪莉IG
而兩年前，與雪莉同公司嘅SHINee成員鐘鉉亦都因抑鬱症逝世，佢同樣都係IU好友，IU更喺演唱會上請fans將螢光棒轉成SHINee嘅應援色並演唱鐘鉉寫嘅歌《憂鬱時鐘》懷念好友。
兩位好友接連離世令大眾非常擔心IU嘅情況，紛紛喺佢IG留言，為佢打氣。
一齊聽下IU為雪莉寫嘅《桃子》：
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
