訂立《雪莉法》？！前韓團f(x)Sulli雪莉生前包受惡評攻擊　韓政府擬立法懲罰網絡欺凌

韓國前女團f(x)成員Sulli崔雪莉被發現自殺身亡，年僅25歲。有傳指她疑因包受惡評攻擊而患嚴重抑鬱症於家中上吊自殺。

今日雪莉低調舉殯，她嘅家人、圈中好友及事務所職員等一同送別。

前團員Victoria（宋茜）更喺IG上傳Sulli仍在f(x)時期嘅五人體團照，並發文悼念：「今日天氣很好，好好上路，不會忘記你.我愛你...」

Photo from 宋茜IG

而喺雪莉事件發生後，大眾開始反思留言背後所造成嘅影響。唔少網民更質疑現時嘅法例對惡評嘅執法以及懲罰嘅阻嚇性等。

Photo from 雪莉IG

亦有網民喺「青瓦台國民請願版」發起促請修例嚴懲網上散佈惡意留言人士，並要求網上留言者採取實名制。

Photo from 雪莉IG

韓國演藝管理協會亦有對藝人被網民頻頻攻擊嘅情況，作出強硬回應，指會採取強硬嘅措施應對惡評。

Photo from 雪莉IG

據當地法例，只要達到20萬人參與，相關部門便要受理。

但有人指出喺緬懷過後，大眾又會開始尋找下一個「雪莉」，真正要作出改變嘅其實係風氣與文化。

Photo from 雪莉IG

據韓國《imoneytoday》報導指，現時韓國已有多名議員向政府提出訂立《雪莉法》，並獲過百個演藝人團體、曾受惡評傷害藝人及大眾支持。

Photo from 雪莉IG

據知依條法例將會喺12月開始正式喺議會討論，令公眾人物除咗現有嘅「名譽受損」法例之外，更多一重保護，畢竟佢哋喺每次被惡意攻擊時都只係默默承受，而不能主動提告。

Photo from 雪莉IG

希望依條法例可以快啲通過，唔好再有下一個受害者出現。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）