【小編試食】氹仔酒店級葡國菜小店！小鮮肉葡萄牙大廚巧手家鄉菜～葡式蒜蓉大蝦不得了！

澳門一街都係葡國菜餐廳，但邊間真係好食你又知唔知呢～係氹仔北帝廟旁既巷仔入面，有一間叫「Toca小窩」既家常葡菜餐廳。餐廳雖然走親民路線，但係水準真心達到酒店級㗎！

Photo from PressLogic

葡人老闆遠道請咗一位小鮮肉葡萄牙大廚，沿用傳統方法煮家鄉菜，希望比客人品嘗到正宗既葡國菜。而小鮮肉仲係葡萄牙既知名酒店工作過，未夠30歲就做到大廚，真係非常犀利！

Photo from PressLogic

當日小鮮肉推介咗4款拿手好菜比小編食。認真，真係4款都十分好食！真係冇介紹錯！

葡式蒜蓉大蝦

作為前菜真係冇得頂！蝦又鮮又甜，配上酸酸辣辣既醬汁，真係非常開胃。平時食蝦頭會覺得有怪味，但係圖入面既蝦完全冇依個問題，真係好食到連蝦頭都吞埋落肚！

Photo from PressLogic

Photo from PressLogic

葡式白酒炒蜆

另一款前菜又係不得了。每一粒蜆肉都十分飽滿且相當新鮮。加上香濃既醬汁，真係正到唔識形容！

Photo from PressLogic

大廚家鄉風味烤馬介休魚柳

魚柳份量十足，口感嫩滑。醬汁清淡而唔膩，同平時食開味道好濃既馬介休料理好唔一樣。小鮮肉話，依道菜係佢祖母傳承落嚟，真係正宗既葡國家常菜啊！

Photo from PressLogic

Photo from PressLogic

葡式燴海鮮飯

海鮮非常足料，蝦、蜆、青口等多款海鮮，一次滿足所有願望～飯既醬汁微辣，十分惹味，會令人忍唔住一啖又一啖咁食落去～

Photo from PressLogic

總括嚟講，餐廳既食材真係非常新鮮，加上小鮮肉大廚既手藝，小編當日食過既幾款菜式都好食到令人有驚喜既感覺。小編以前覺得葡國菜味道偏濃，但原來家常葡國菜可以清淡得嚟都依然好食，而且一啲都唔滯膩。

如果大家想食正宗既葡國菜，就記住去搵小鮮肉煮比你食喇！

店舖資料
Toca小窩
地址：澳門氹仔客商街31號
營業時間：12:00pm-2:30pm/5:30pm-11:00pm（星期二休息）

鳴謝KKday。如果想係假期去個短Trip，可以click http://bit.ly/2mOSE6F睇一睇平船飛！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載