政府宣布旅遊業紓困措施 內地旅客堅持不接受：不夠給醫藥費

近呢幾個月，香港旅遊業受到嚴重打擊，訪港旅客人數大跌，財政司司長陳茂波就宣布會推出紓困措施。

前日，商務及經濟發展局局長邱騰華就宣布具體措施，指會撥款支持旅遊業。

呢筆款項係由旅遊社直接受惠，提供每位入境旅客$120港幣，出境旅客$100港幣作補貼，鼓勵旅行社繼續推動旅遊業。

Photo from PressLogic

簡單嚟講，就係旅行社旗下嘅旅行團遊客越多，獲得嘅補貼就越多，最多500個名額，撥款上限為6萬。

而內地媒體亦都有報導前日宣布嘅呢個措施，不過內地旅客似乎唔太接受：「这压根不是补贴的事（這壓根不是補貼的事）」、「人家缺你的一百块？（人家缺你的一百塊？）」、「对不起，我选择澳门（對不起，我選擇澳門）」

Photo from 微博

Photo from 微博

內地網民表示：「120块去挨顿打还要自己出路费 还是不划算阿（120塊去挨頓打還要自己出路費 還是不划算啊）」、「万一被打了补贴这120都不够医药费！（萬一被打了補貼這120都不夠醫藥費！）」

不過似乎有部分內地網民誤會啦，其實呢$120補貼唔係俾遊客㗎，而係俾旅行社，只係補貼金額按旅客人頭計，旅客唔會直接收到錢。

Photo from YOHO MALL

邱騰華提到10月第一週訪港旅客按年跌超過5成，出境旅客人數亦跌20%～30%。佢希望新措施可支援旅遊業同推動零售業。

Photo from PressLogic

$120補貼措施會喺11月開始實施，去到2020年3月底。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）