大台前主播梁凱寧辭職後返浸大教書 過檔「香港開電視」主持節目

大台新聞部掀離職潮，唔少主播都辭職離開新聞部。其中就包括新聞小花梁凱寧，之前更有人傳佢離巢後去考警察，不過當事人已即刻否認。

其實佢辭職之後去咗斯里蘭卡義教！真係超有愛心！佢仲話希望下一次可以做海洋保育義工，幫助清理海洋垃圾。

Photo from 梁凱寧Facebook

Photo from 梁凱寧Facebook

不過佢已經返返香港，仲去埋母校浸會大學傳理系教書添！

梁凱寧2014年畢業於香港浸會大學傳理學院，主修廣播新聞。

不過原來佢未畢業已經開始喺大台做兼職主播喇！梁凱寧year2嗰時喺大台新聞部實習，喺2013年成為兼職主播。

Photo from 梁凱寧IG

梁凱寧喺學校成績都非常優異，有3個sem都榮獲院長嘉許名單，根據浸大網頁，要獲得院長嘉許名單，GPA需達3.00～3.49，而且無一科低過C grade。

佢返香港之後，重返母校以老師身分教師弟妹。佢喺IG post咗上堂嘅相，見到佢教嘅科係「Introduction to Media and Communication」，更留言話：「Learning to teach??‍??#hkbu #communication #journalism」

Photo from 梁凱寧IG

Photo from 梁凱寧IG

Photo from 梁凱寧IG

梁凱寧唔止喺母校上堂，仲「過檔」去77台「香港開電視」做主持添！

佢出席香港開電視節目巡禮，主持清談資訊節目《開嚟見我》，其中同為主持嘅仲有資深傳媒工作者兼同樣係大台前主播嘅李臻。

Photo from 梁凱寧IG

梁凱寧雖然已經離巢，但大家都仲可以喺電視度見到佢呀～義教完又返母校教師弟妹！簡直係真女神！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）