澳洲山火焚燒逾2000公頃樹林 超過350隻樹熊或葬身火海

秋天天氣乾燥，容易發生山火，而今年世界各地都有山火發生，包括亞馬遜森林、剛果盆地、俄羅斯、加州等地。

澳洲亦有山火發生，更恐怕會危及樹熊嘅生命安全。

澳洲新南威爾斯北部近日發生嚴重山火，焚燒面積達2000公頃樹林，相當於2000個足球場咁大。

Photo from EPA

Photo from Reuters

火場面積極大，更波及樹熊嘅棲息地，但由於火勢猛烈，消防員未能入內救火，亦無法救出入面嘅樹熊。

Photo from AAP

樹熊遇到火災會爬到樹頂，將身體縮成一團，如果火勢不大，最多只會燒壞佢哋啲毛，但若火勢猛烈，火舌極有可能會沿住樹幹往上燒，危及喺樹頂避難嘅樹熊。

Photo from PressLogic

然而無消防員可以入火場救災，專家估計有超過350隻樹熊或葬身火海：「呢件事係國家悲劇。」

近年由於氣候變化、棲息地受破壞等原因，野生樹熊數量大減，澳洲樹熊基金會估計野生樹熊嘅數量不足8萬隻。而居住喺各棲息地嘅樹熊來往減少令樹熊出現同系交配嘅現象，降低樹熊嘅基因多樣性。

Photo from PressLogic

今年9月澳洲昆士蘭省同樣發生山火，大火燒到野生動物家園，昆士蘭警方進行救援時，發現一對倖存樹熊母子，樹熊媽媽更以手臂緊緊抱住仔仔保護佢。

Photo from RSPCA Queensland @FB

今次大火可能會令野生樹熊嘅數量再次下跌，甚至有絕種危機。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）