不齒警方惡行 才女梁芷珊同撐警朋友割蓆 明言只會同正義良知做朋友！

「反送中」風波以嚟，唔少人都會同身邊唔同政見嘅朋友割蓆，連藝人都唔例外。早前阮民安Tommy都宣布同任職警察嘅堂哥割蓆，而Shine成員徐天佑亦都疑似同同隊成員黃又南割蓆，仲曾大爆：「No more Shine」

Photo from 梁芷珊FB

被譽為香港「四大才女」之一嘅梁芷珊一直都有喺Facebook批評警方惡行，又會化身「珊吹老師」同撐警網民同埋「藍絲」battle。

Photo from 梁芷珊FB

琴晚萬聖節，警方喺蘭桂坊發射催淚彈同胡椒噴霧，驅散市民。梁芷珊亦有轉發呢個新聞，仲話：「今晚，又失眠。輾轉反側」。佢於是做咗件「最軟弱無力嘅事」，就係同撐警朋友割蓆，unfriend佢地。

Photo from 梁芷珊FB

梁芷珊逐一去睇自己嘅Facebook friends，佢認為：「今時今日仲係撐警的，仲係話無人犯法警察點會要執法嘅人，不做朋友了。」

Photo from 梁芷珊FB

佢覺得今生今世都沒有餘力同呢啲朋友再有共同話顯，或者同一視覺。

Photo from 梁芷珊FB

佢又透過Hashtag明言「做朋友都係有今生無來世」，又話自己只會同正義良知做朋友。

Photo from 梁芷珊FB

梁芷珊最後用Hashtag形容佢unfriend咗嘅朋友：「有一個好似讀咗好多年法律老豆都係律師行partner嘅30歲律師仔」、「有一個覺得自己溝死女晚晚蒲老蘭第二朝返工仲成身酒氣嘅偽CEO」同埋「有一個自稱女強人開agency幫人搵外傭的C奶仔」

都係時候嚟個「朋友捨離斷」啦。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）