台灣波波草重開！圓滾滾綠色好治癒 入場仲送一棵多肉植物添～

台灣都有波波草！位於彰化田尾嘅細葉七里香園區有個「台版波波草」園區，每年都可以吸引到好多台灣人去影相，早前因環境及人為因素而暫停開放，最近又重開返喇～

細葉七里香園區早排因為太多遊客進場賞花，加上有部分遊客喺觀賞嗁時候對園區帶來破壞，甚至會製造垃圾，以致園長決定要將波波草園關閉，好多遊客都因此感到好失望！而近日細葉七里香園區終於重開喇，不過就新增少少規則，包括入園由免費變到一次 NT$50，平日不定時開放，假日只開放早上8點到下午6點，如果想要去影相的話，就要注意喇～

Photo from IG@wanzhen21授權使用

Photo from IG@pinkvv923授權使用

呢度一共有4千幾顆細葉七里香，由老闆一手一腳打理，用咗4年時間種植，之後再修剪成客人大愛嘅圓滾滾形狀，因此有台版波波草之稱，不過佢就唔會變成紅色，綠油油嘅樣子反而有種好有陽光嘅感覺。

Photo from IG@ch_ih215授權使用

如果大家都想去影靚相的話，記得一定要好好保護環境，千萬唔好壓住波波草，同埋要帶走垃圾，以免對環境造成傷害！

Photo from IG@aha_travel_around授權使用

Photo from IG@aha_travel_around授權使用

細葉七里香園區
地址：彰化縣田尾中正路二段接田仁路
時間：平時不定時，假日8:00-18:00

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）