【聖誕活動2019】全港首個海綿寶寶海綿池將登陸鑽石山 6米高海綿寶寶主題裝置/4個立體裝置/AR 互動區

香港好去處商場

By Rachel Lo on 07 Nov 2019

Deputy Managing Editor

喜歡看電影，最愛旅行。發掘少人知道的景點，然後把風景紀錄下來。

呢個聖誕將會有海綿寶寶遊樂場，仲會設全港首個海綿寶寶海綿池，fans記得mark低日期去影相打卡！

鑽石山荷里活廣場將於2019年11月16日至2020年1月1日設「海綿寶寶 x GRAFFLEX『超想像』聖誕遊樂場」，睇落最吸引嘅就係海綿寶寶海綿池、6米高海綿寶寶主題裝置！

Photo from Plaza Hollywood

呢個海綿寶寶 5 米闊巨型海綿池係一個巨型球體，入面裝住好多海綿同海綿寶寶毛公仔，大人同小朋友都可以走入海綿池玩，只要場內消費滿指定金額即可參加，每日名額有限，先到先得，額滿即止。

Photo from Plaza Hollywood

設有唔少海綿寶寶影相打卡位、AR互動區，今次仲聯乘韓國藝術家 GRAFFLEX 於香港展出畫作，除咗場內設3幅全新海綿寶寶角色的 Crossover 造型，遊樂場中間位置會有6米高海綿寶寶主題裝置，好適合影相！

Photo from Plaza Hollywood

仲有埋 AR 互動區，只要行到鏡頭前面，就可以變成比奇堡成員，如海綿寶寶、派大星及章魚哥等，參加者更可隨機獲商戶禮品或優惠換領券一份。

Photo from Plaza Hollywood

到時設有3款獨家海綿寶寶限定禮物，有「海綿寶寶絨毛毯」、「海綿寶寶絨毛抱枕」及「海綿寶寶卡通襪子」，只要消費滿指定金額或憑 Plaza Hollywood VIC 積分，即有機會換領海綿寶寶指定禮品一份，數量有限，先到先得，換完即止。

Photo from Plaza Hollywood

荷里活廣場「海綿寶寶 x GRAFFLEX『超想像』聖誕遊樂場」聖誕裝置
日期：2019 年 11 月 16 日至 2020 年 1 月 1 日
時間：中午 12 時至晚上 10 時
地點：鑽石山荷里活廣場一樓明星廣場

Photo from Plaza Hollywood

海綿寶寶巨型海綿池
日期：2019 年 11 月 16 日至 2020 年 1 月 1 日
時間：中午 12 時至晚上 8 時
地點：鑽石山荷里活廣場一樓明星廣場
參加方法：於場內憑即日在場內以信用卡、八達通卡或 EPS 易辦事消費滿 HK$100，憑該商戶發出之即日單一機印發票、付款卡及對應之付款存根並「讚好」Plaza Hollywood Facebook 專頁或「追蹤」plaza_hollywood Instagram 帳號，即可排隊參加活動一次，每節長約 5 分鐘，名額有限，額滿即止。每日 11 時 45 分起開始登記報名參加。