影相點解長期out focus？你必需注意的三個攝影小貼士，啲相終於清晰返啦！

無論用電話定相機影相，有一種人總係長期out foc，睇個mon明明好似無事，點知放大睇就出事啦！最衰係去旅行點補影呀？咁一定要惡補下啦！小編教你幾招技巧，包你影到景深又唔out foc！袋住佢啦～～

Photo from Pinterest

1. 對好焦點

用相機影相嘅時候，想方便快捷，我地成日都會較咗自動對焦功能。但有時主體太細，或者同背景反差細，自動對焦系統辨認唔出主體，就可能會出現對錯foc嘅情況。呢個時候你只要將主體放係中心，半按快門令焦點focus返係主體，然後再平行咁移動你想要嘅構圖就得啦！

盡量選擇單點對焦，不好用多點對焦，因為比較難控制同掌握
Photo from Pinterest

2. 快門速度太慢

有時想邊行邊影，影啲街頭風或者不經意嘅相，主體係唔會停係度等你影完咁唔自然。你必須用高速快門去影，一般用 1/250秒，如果要影跑緊步嘅人同動物就要更高速，1/500－ 1/1000秒 去捕捉動作，不過注意光線需要充足！
Photo from Pinterest

3. 光線不足

光線不足嘅情況下好難對焦，對焦其中重要一點係睇主體同背景嘅反差。當弱光黑麻麻時，主體同背景都咁黑，反差一定比較細。你可以嘗試提高ISO，ISO 800－6400，不過高ISO自然雜訊比較多，相片質素低。再唔係就要手動補光，例如用手機電筒。
Photo from Pinterest

下次影相記住呢幾招，啲相終於可以見人啦！！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）