荃灣串燒店老闆娘患癌被揭造假 同區食店曾發起眾籌 向其追討捐款

一方有難，八方支援！香港人喺困難時盡顯人性光輝，但有時同情心卻被人利用，騙取金錢。

位於荃灣嘅串燒店老闆娘接受媒體訪問時透露自己患有淋巴癌，需接受化療，但治療費用達港幣$30萬，佢仲差$10萬。

同區13間食店嘅老闆為佢發起眾籌，香港人齊心，48小時內就超額達成，一共籌到212,940港元，超出目標成倍。

Photo from Glory Cater Ing

串燒店老闆娘亦喺Facebook感謝大家：「我一定會報答你們的關懷和愛護，我承諾大家我一定會撐下去。」

Photo from 串燒寶

不過有眼利網民發現，老闆娘喺網上偷圖，質疑佢扮病，有「呃錢」之嫌。

而老闆娘就喺Facebook表示會再做訪問，拎出證明俾公眾睇：「你地可以唔信，亦可以話呃你們，我沒有偏過一個小朋友和香港人，我已經知道邊D人搞事搞飛，我唔出聲唔係怕咗你地，我係唔想真正香港人比人理用咗，我現在係法國醫院做檢查，如果明天報告一出我會立刻比大家睇清楚真相」不過至今仍未能公開佢無扮病嘅證明。

Photo from 串燒寶

而曾為佢發起眾籌嘅一眾食店老闆，今日就發出聯合聲明，指各位老闆睇到連登嘅post之後，即刻同老闆娘溝通，老闆娘解釋因為唔想小朋友擔心，所以post假相，並承諾會公開醫院報告。

但係兩日前嘅醫院報告卻指出老闆娘身體狀況並無不妥，更無所謂嘅癌症，所以決定向佢追討捐款。

Photo from Glory Cater Ing

聲明中指出由公眾籌得嘅善款約有$85000，而各店主嘅私人籌款同義賣所得收益約$125000，已全數交俾老闆娘。

至今老闆娘向光榮冰室負責人交還$140000，淨返嗰$64000已經俾老闆娘用作身體檢查之用，由於數目係各老闆私人捐出，所以決定不予追究，聲明亦指會喺短期內公佈捐款去向。

Photo from Facebook

聲明最後向所有捐款人士致歉：我希望大家可以可以繼續保持著信任的心為這場社會運動走下去，因為現今香港最需要的是信任。」

欺騙人哋嘅同情心真係好過分！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）