愚人節呈獻！5招搞笑辦公室整蠱技倆！玩殘你最愛嘅同事！

愚人節到喇！童心未泯嘅你不如試下玩殘你最愛嘅同事！為嚴肅嘅公司增添歡樂氣氛！
以下有幾招外國人最常用嘅整人方式，大家一齊學嘢啦！

Photo from imgur

1.阻礙紅外線貼紙大法
做法好簡單！首先就係是但搵張廢紙，然後用膠紙貼住底部的紅外線！等同事佢以為自己mouse又壞了！呢招無聲無色就令佢成個傻仔咁！而你當然要扮關心佢：「唉也你又壞mouse，不如叫公司換個貴啲嘅俾你？」夠晒無聊！強呀！

Photo from imgur

2.贏在起跑前響屁大法
呢招好基本！同細個玩臭彈原理一樣！只要放啲會發出巨大聲響嘅物件於椅子底部，再透過高能量百幾二百磅重量輕輕一壓！嗚～腸胃唔好快啲睇醫生啦！臭死人咩！

Photo from imgur

3.腦細車頭相貼影印機嚇鬼大法
殺傷力超強一招就係佢！只要睇準時機！選出一張老闆最俊俏的相片！輕輕一貼～嘩～舒服晒～一打開部機包你同事成個人醒晒！你睇下個倒影！其實係經過物理學光學美學玄學精密計算所得嘅結晶嚟！加上你老闆白滑嘅肌膚！眼仔碌碌的迷人單眼皮！高高的鼻小小的嘴！嗚呀！！同事仲唔心如鹿撞！？呢招一定掂！

Photo from imgur

Photo from imgur

4.愛護地球多植樹齊來做個環保小先鋒大法
呢招係終極強大！最近大家咁熱愛環保！又熱衷關心世界時事！一定會好喜歡喺人地個keyboard到種植啦！你睇下～嘩～全部都係青BB～連空氣都即刻清新咗呀～你同事一定錫晒你！

Photo from FatLai

5.重拾童真100%純真表白大法
最後一招其實個個都適合用！就係瘋狂講「其實我鍾意咗你好耐」！不過咪話呀姐唔識趣，呢家嘢一定有一個係真心表白嘅！唔使等愚人節啦！嗱嗱聲同你最愛嘅同事表白啦！

Photo from UnAnything Wiki

祝大家有個開心愚人節！BYE～

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載