具荷拉被發現於家中身亡 好友雪莉1個月前逝世 曾指會好好活下去

韓國娛樂圈接連傳來惡耗，繼女團f(x)前成員Sulli雪莉被發現喺家中身亡後，女團Kara成員具荷拉亦被發現於家中逝世。

今日下午6點，韓國警察廳指發現歌手具荷拉於首爾清潭洞嘅家中身亡，現時正在調查中。

Photo from 具荷拉IG

就喺上個月14號，女團f(x)前成員Sulli崔雪莉亦被發現於家中離世。

同雪莉份屬好友嘅具荷拉亦喺IG開直播哭別好友，因為當時佢無法回韓國送好友最後一程。

Photo from 具荷拉IG

荷拉當時更指：「姐姐會帶住你嘅努力活下去。」估唔到事隔一個月就傳來惡耗。

而具荷拉之前曾經喺深夜發文向fans道別，然後被發現於家中昏迷，好彩送往醫院救治後康復。

佢嘅IG喺22號曾發過自拍，向fans講晚安。

Photo from 具荷拉IG

1991年出生嘅具荷拉今年28歲，於2008年以女團Kara成員出道，推出過多首大熱金曲，包括：《Mr.》、《Honey》等，亦出演過韓劇《城市獵人》、《沒關係，是愛情啊》。

Photo from DSP Media

今年被發現於家中昏迷後，經理人證實荷拉患有抑鬱症。

Photo from 具荷拉IG

願故人安息。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）