【聖誕自助餐2019】尖沙咀香港洲際酒店低至75折自助餐！任食龍蝦/雪蟹腳/即煎鴨肝

美食推介

By Suki on 28 Nov 2019

Deputy Managing Editor

只想有個餵唔飽嘅肚，有杯飲唔完嘅酒，一個不完美的飲食記者。

【聖誕自助餐2019】尖沙咀香港洲際酒店港畔餐廳的自助餐，坐擁維港景色，任食9款冰鎮海鮮包括波士頓龍蝦、皇帝蟹、雪蟹腳等，同場還有即煎鴨肝、即切斧頭扒等，甜品同樣出色，多達50幾款，12月份更有低至75折早鳥優惠，絕對能食到回本。

今個聖誕自助餐推出一系列節日佳餚，當然少不了烤火雞及聖誕甜品；回本必食9款冰鎮海鮮，包括波士頓龍蝦、雪蟹腳、青口、麵包蟹、大蝦、帶子、皇帝蟹、翡翠螺、蜆等9款凍海鮮，滿足所有海鮮迷！

Photo from presslogic

波士頓龍蝦肉質彈牙肥美；麵包蟹肉嫩帶甜；蟹腳粗身。

Photo from presslogic

刺身共有10款，包括三文魚、吞拿魚、甜蝦、煙鴨胸、赤貝、帶子、油甘魚、三文魚籽、象拔蚌及北寄貝，所有即點即切，保證新鮮。壽司吧還有供應海膽卷、軟殼蟹卷、帶子卷、鰻魚卷等，種類繁多，慢慢揀慢慢食！

Photo from presslogic

食肉獸最愛的肉排區，則有即切斧頭扒，切得厚身而且牛味濃郁。另有即煎鴨肝、即炸天婦羅，前者油脂豐腴甘香；後者炸粉比例剛好，脆卜卜。

Photo from presslogic

食物區以長方型一字排列，還有中式炒龍蝦、蛋白蒸鮑魚、花膠海參、香草烤羊架、黑松露焗蠔等回本食物，當然不能錯過。

Photo from presslogic

由法藉餅廚Christian Gonthier及團隊主理的甜品區，聖誕限定甜品如薑餅人、樹頭蛋糕、乾果蛋糕等，另外還有迷你法式甜品、Movenpick雪糕、朱古力噴泉等應有盡有，超過有50多款，絕對要留肚食甜品！

Photo from presslogic

尖沙咀香港洲際酒店的自助餐出名食物多樣化，單單甜品就有成50多款，另外勝在坐擁維港景色，節日更可觀賞煙花，一於今個聖誕Chill住食自助餐。

Photo from presslogic

港畔餐廳 Harbourside
地址：尖沙咀梳士巴利道18號香港洲際酒店下層
電話：2313 2323
酒店官方網頁：香港洲際酒店

早鳥優惠：
於12月份訂座，13至20位即享8折優惠、21位或以上即享75折優惠。（24至26及31日不適用）

自助晚餐供應時間：
12月24日平安夜自助晚餐：5:30pm-8pm（首輪）/8:30pm-11pm（次輪）成人$1,598、小童$1,048
12月25日聖誕日自助晚餐：5:30pm-8pm（首輪）/8:30pm-11pm（次輪）成人$1,598、小童$1,048
12月26日拆禮物日自助晚餐：5:30pm-8pm（首輪）成人$898、小童$628、8:30pm-11pm（次輪）成人$838、小童$588
12月31日除夕自助晚餐：6pm-8:30pm（首輪）成人$1,398、小童$998、9pm起（次輪）成人$2,488、小童$1,738
1月1日元旦日自助晚餐：6pm-10pm 成人$898、小童$628