跨年倒數睇煙花觀景台門票優惠 聖誕限定下午茶+晚餐 唔收加一服務費

聖誕節去邊度玩好呢？維港觀景台望下海景都好浪漫～

或者嘆下high tea，食聖誕大餐都唔錯。

Sky 100就喺聖誕推出唔少優惠套票，包括美酒套票買一送一、聖誕二人下午茶、2020跨年倒數煙火套票等。

二人聖誕限定下午茶有三款鹹點小食同五款甜點，包括栗子慕絲、聖誕乾果蛋糕同朱古力泡芙，啱晒中意食nuts嘅朋友！

Photo from Sky 100

甜品方面有清新嘅芒果球蛋糕，同英式鬆餅配果醬及奶油忌廉，12月22號或之前可以優惠價港幣$499購買～仲唔收加一服務費添！

除咗下午茶，仲有聖誕晚餐，一共有4道菜，包括前菜胡桃南瓜忌廉湯、傳統聖誕火雞或香煎鱸魚配法式燉菜做主菜，甜品方面就有肉桂聖誕蛋糕配熱情果同香蕉。每位港幣$768，包Sky100成人門票一張，同下午餐一樣，唔收加一服務費。

Photo from Sky 100

聖誕晚餐仲有素食餐單，素食人士都啱！

Sky 100嘅美酒套票都做緊買一送一優惠，優惠去到至2020年2月9號，美酒套票包成人標準門票同1杯迎賓美酒，可以揀氣泡酒、紅酒或白酒。

想睇倒數煙花嘅話，可以揀「2020跨年倒數煙火套票」，包Sky 100晚間入場門票1張連飲品1杯，飲品可以揀紅酒、白酒及氣酒、果汁及汽水，售價係港幣$438。

Photo from Sky 100

地點：香港九龍站環球貿易廣場100樓天際100香港觀景台

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）