【麥玲玲2020生肖運程】率先預測鼠年12生肖運程：雞、狗、豬

之前就同大家講咗鼠、牛、虎、兔、龍、蛇、馬、羊、猴依9個生肖，今次嚟到最後3個喇！大家準備好過完聖誕唔夠一個月就過農歷新年未呀！？

Photo from 麥玲玲師傅

雞：

破太歲

吉星：天喜、咸池、福星、天德、八座

凶星：捲舌、羊刃

Photo from Disney

屬雞嘅朋友今年破太歲，意即破壞、破敗之意，人際關係會受到衝擊，工作上會遇上麻煩阻滯，屬「多勞少得」嘅一年。

所謂「一喜擋三災，無喜是非來」，今年有天喜同咸池，代表感情方面會多姿多彩。仲有福星、天德、八座嘅貴人力量，整體運勢尚算唔錯。

Photo from shutterstock

另外，要注意今年凶星有捲舌同羊刃，代表是非口舌，容易被人中傷，以及出門後要小心注意個人安全，避免參與高危活動，咁就自然平平安安！

總括而言，今年凡事需要適可而止，盡量作息定時，心態上不宜將目標訂得太高，當作係為未來鋪路輕鬆度過則萬事大吉。

Photo from shutterstock

狗：

吉星：天解

凶星：天狗、吊客、浮沉、寡陌

屬狗嘅朋友嚟到鼠年理論上係會較為穩定，但因為今年只有天解一顆吉星，代表要經歷波折先可以成功。

Photo from shutterstock

今年要注意有天狗、吊客星，提防老人家身體健康，以及出門後亦要小心不見行李或遇到一些小驚嚇，最好就是買定旅遊保險才出門，這樣就自然會平平安安了！

Photo from shutterstock

另外，天狗亦會容易有錢財耗損，投資或同人合作要小心留意金錢轇轕。

總之，屬狗嘅朋友今年做人處事盡量低調，凡事親力親為堅守本份，默默耕耘過後將可雨過天晴。

Photo from shutterstock

豬：

吉星：文昌

凶星：病符、陌越、亡神

屬豬嘅朋友經歷咗豬年犯本命年，好多事都有變化。嚟到鼠年終於好啲喇！今年屬重新出發，站穩陣腳嘅年份。

Photo from shutterstock

今年有文昌星，顧名思義是代表讀書、考試特別叻，在職嘅朋友不妨在職進修，或考升職試都會比較有利。但今年並非大展拳腳之年，最好都係多吸收新知識、新技能，為自己打好基礎。

Photo from shutterstock

另外，投資方面切忌假手於人、聽信小道消息，需要靠自己分析研究先有機會獲利。

要留心今年有病符星，病符唔係指大病痛，而係傷風感冒比較多，所以今年唔好只顧住工作，要作息定時或多出門接觸大自然，都會對身體健康有利。

Photo from shutterstock

仲有，陌越代表面對陌生環境帶嚟嘅壓力，今年會容易出現睡眠品質差，做一啲減壓啲活動就最好喇！

好～12生肖就同大家講晒喇，最後都要同大家講句風水命理嘅嘢信則有不信則無！

↓畀大家重溫吓之前嘅生肖：

鼠、牛、虎：https://holiday.presslogic.com/article/159041

兔、龍、蛇：https://holiday.presslogic.com/article/159043

馬、羊、猴：https://holiday.presslogic.com/article/159045

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）