【大澳好去處】慢活放鬆之旅！百年歷史大澳文物酒店參加茶粿及鹹蛋製作工作坊～

By Cynthia Wong on 19 Dec 2019

Digital Editor

好人一生平安認同請分享

一星期返咗5日工，想周末去玩放鬆一下又唔知去邊好，一於去大澳啦！大澳係一個擁有百年歷史嘅漁村，位於大嶼山嘅西面，村內嘅海產、棚屋、殖民建築等，都會有種舊時香港嘅純樸味道。如果想慢活放鬆一下玩兩日一夜的話，不妨考慮入住大澳文物酒店，充滿文化氣息，更保留了舊殖民地時的建築風格，非常具有特色。

大澳文物酒店前身係舊大澳警署，於2009年開始加入「舊大澳警署活化計劃」，改建成為酒店，並於2012年正式開幕入住。由大澳巴士總站前往酒店，步行的話需要約20分鐘，唔想行的話都可以選擇搭船，$10好快就到。酒店四周都被樹木包圍，好有渡假的感覺，更加處處都是打卡位，無論係純白的外觀，定係走廊都係影相位。酒店都會因應唔同節日而有特別裝飾，好有氣氛。外型純白色，在設計上保留了舊建築的特色，在很多細節上都會看到原建築嘅痕跡，非常具有文化特色。房間空間感十足，非常闊落，而且樓底都較高。房內的地板、壁爐、門窗都係喺原本嘅設計上再加建，保育方面都做得好好。

Photo from Presslogic

酒店餐廳 Tai O Lookout 採玻璃屋頂設計，陽光折射落嚟超靚，仲可以見到日落添！大澳‧真味下午茶$288/2位，入面嘅食物好有大澳特色美食，包括薑黃沙嗲雞串、大澳鹹魚肉餅漢堡、大澳黃金蝦多士、紫貝天葵奶凍、朱古力布朗尼、西班牙油條配朱古力醬，仲有紅樹林特飲添！大澳文物酒店更推出了各種住宿套票，包括客房連早餐、慶典住宿計及水鄉文化之旅，仲可以製作茶粿同鹹蛋添！