【區區遊】大澳2日1夜行程推薦：掃街小食/新手行山/懷舊棚屋咖啡店/百年歷史文物酒店

By Cynthia Wong on 09 Jan 2020

Digital Editor

好人一生平安認同請分享

一星期返咗5日工，想周末去玩放鬆一下又唔知去邊好，一於去大澳啦！大澳係一個擁有百年歷史嘅漁村，位於大嶼山嘅西面，村內嘅海產、棚屋、殖民建築等，都會有種舊時香港嘅純樸味道。如果想慢活放鬆一下玩兩日一夜的話，呢個行程就岩晒你喇，等記者帶大家掃街食小食、挑戰一星虎山、品嚐懷舊棚屋咖啡店同埋入住百年歷史文物酒店啦！

第一站：大澳懷舊棚屋慢活咖啡店

大澳漁村的特色景點必定是水上棚屋，更可以在大澳看到原居民簡樸的生活。今集大澳區區遊帶大家去一間懷舊咖啡店，主打即磨精品咖啡～懷舊慢活咖啡店都是水上棚屋內，環境舒適絕對可以令你忘記都市的煩惱。

意大利芝士餅

意式脆多士
羅勒蕃茄、蜂蜜芥末鮪魚、青木瓜XO蝦蟹肉

雞翼蝦子麵
雞翼蝦子麵選用廣東蝦子麵，富有彈性，加入蝦子油、銀蝦仔，湯底咸香味濃！

熱精品咖啡
墨西哥精品咖啡，咖啡夠香又夠滑，唔會好濃～咖啡店所有精品咖啡都係即磨咖啡豆，更會定時選用唔同地區評分最高的咖啡豆！

蘇廬 Solo
地址: 大澳吉慶街86-88號地舖
電話：9153 7453
營業時間：星期一至六：11:00-18:00 (*星期日休息)

第二站：新手輕鬆遊虎山
大澳虎山係好適合新手挑戰嘅行山路線，位於大澳西面，由起步點上到山頂大概只需半個鐘左右，就算平時無行開山都唔會感到吃力。到達大澳市中心之後，過橋後一路向前行，就會經過匯豐銀行、大澳郵政局等地，見到少林寺之後，就會正式到達虎山的地步點了！

Photo from Presslogic

虎山的行山路線位於少林寺的左邊小路徑，沿著小路一直向前行，會先後見到樓梯級、被草堆包圍的平路，邊行會邊見到芒草，雖然數量並不算太多，但依然好有秋冬氣息！

Photo from Presslogic

繼續向前行，就會見到紅色欄杆分別在左右兩邊出現，呢度係好多人影相的熱點，兩邊都被大海包圍，如果天氣好一定會超靚！另外此刻都係好多人睇日落的地方，想影黃昏相可以4點左右再出發，唔會曬又可以影到靚相！終點位係涼亭，全程都只係30分鐘左右，就算影埋相都只需一個鐘，係假日放鬆好活動！

Photo from Presslogic

第三站：掃街美食精選
*溫馨提示：大澳好多小店星期一都唔開門呀！

Photo from holidaysmart

1. 大澳餅店
即炸無得輸鬆軟沙翁！嚟到大澳一定要食一個！
老闆娘每日比心機慢慢將麵糊炸到脹卜卜，再逐一裹上砂糖，全部手工製所以人多嘅時候一樣要排隊。暖笠笠嘅沙翁咬落外脆內軟，充滿蛋香而唔過甜，輕盈但唔係全部都係空氣。最抵讃嘅係一啲都唔油膩，又勁鬆軟，真係食完一個又想再食多個！

Photo from holidaysmart

另外餅店更有剛出爐的椰撻，香噴噴，熱辣辣，椰絲味超香！

Photo from holidaysmart

地址：大澳吉慶街66號

2. 復興行
大澳特大爆趣魚蛋、滷水大墨魚

Photo from holidaysmart

紫貝天葵+山渣 (＄20)
消暑解渴、開胃消滯、止暈止嘔

Photo from holidaysmart

地址: 大澳永安街4D舖

3.大澳士多
特色炭爐燒烤，多款海鮮、肉類即叫即燒～

Photo from holidaysmart

地址: 大澳永安街68號地舖

4.華利小食
艾餅/雞屎藤

Photo from holidaysmart

地址：大澳永安街73號地下
營業時間:星期一至日11:00 - 19:30

5. 車站豆腐花
豆腐花好嫩滑，周圍行完或者排隊排到有少少攰，可以嚟呢間小店稍作休息。店如其名主要賣豆腐花，豆腐花有微微嘅豆香，可以配濃郁嘅芝麻糊。

Photo from holidaysmart

地址：大澳永安街57號

第四站：百年歷史文物酒店

大澳文物酒店前身係舊大澳警署，於2009年開始加入「舊大澳警署活化計劃」，改建成為酒店，並於2012年正式開幕入住。由大澳巴士總站前往酒店，步行的話需要約20分鐘，唔想行的話都可以選擇搭船，$10好快就到。酒店四周都被樹木包圍，好有渡假的感覺，更加處處都是打卡位，無論係純白的外觀，定係走廊都係影相位。酒店都會因應唔同節日而有特別裝飾，好有氣氛。外型純白色，在設計上保留了舊建築的特色，在很多細節上都會看到原建築嘅痕跡，非常具有文化特色。房間空間感十足，非常闊落，而且樓底都較高。房內的地板、壁爐、門窗都係喺原本嘅設計上再加建，保育方面都做得好好。

Photo from Presslogic

酒店餐廳 Tai O Lookout 採玻璃屋頂設計，陽光折射落嚟超靚，仲可以見到日落添！大澳‧真味下午茶$288/2位，入面嘅食物好有大澳特色美食，包括薑黃沙嗲雞串、大澳鹹魚肉餅漢堡、大澳黃金蝦多士、紫貝天葵奶凍、朱古力布朗尼、西班牙油條配朱古力醬，仲有紅樹林特飲添！大澳文物酒店更推出了各種住宿套票，包括客房連早餐、慶典住宿計及水鄉文化之旅，仲可以製作茶粿同鹹蛋添！